တမ်းတလွမ်းဆွတ်ခြင်းတို့ဖြင့်...

၉.၁၂.၁၈

ဒီနေ့ဟာ ပူကျူးလေးနဲ့ ကိုကိုတို့ ချစ်သူ ၂ ယောက် ချစ်သက်တမ်း ၈ လပြည့်မြောက်တဲ့ နေ့ကလေးပါ... ချစ်သူသက်တမ်း ၈ လအတွင်းမှာ ပြဿနာ ကြီးကြီးမားမား မရှိဘဲ တစ်ယောက်နဲ့ တစ်ယောက် အပြန်အလှန် နားလည်မှု၊ အလျှော့ပေးမှု၊ ဂရုစိုက်မှုတွေနဲ့ ဖြတ်သန်းခဲ့ကြတယ်... ပူကျူးလေးဖက်က အချစ်တွေကိုလည်း ကိုကို ပိုသိခွင့်ရသလို အသိအမှတ်လည်း ပြုပါတယ်... 😘

ဒီလိုနေ့လေးမှာ ၂ ယောက်အတူ ရှိခွင့်မရဘဲ တစ်ယောက်နဲ့တစ်ယောက်ဝေးနေရတာကိုတော့ တကယ့်ကို စိတ်မကောင်း ဖြစ်မိပါတယ်... တကယ်ဆို ဒီလိုနေ့လေးမှာ အချစ်တွေနဲ့ ၂ ယောက်တူတူ ကျော်ဖြတ်ရမှာ...

"ကလေးလေးရေ... ကိုကိုလေ ကလေးလေးကို အရမ်းကို လွမ်းမိနေတယ်... တမ်းတမ်းတတကို လွမ်းတယ်... ခွဲမနေချင်တော့ဘူးကွယ်... ခွဲနေရတဲ့ အချိန်တွေ အမြန်ကုန်ဆုံးပါစေလို့ ဆုတောင်းနေမိတယ်..."

I miss u so much baby... 😓

ပူကျူးလေးအတွက် Motto ...

ကိုကို့ဘေဘီပူကျူးလေးရဲ့...
ပါးလေးတွေ...
လက်မောင်းလေးတွေ...
အကုန်လုံးဟာ နူးနူးညံ့ညံ့ အိအိထွေးထွေးလေးနဲ့ ပါ...
ကိုကိုကပဲ အရမ်းမြတ်နိုးနေမိလို့လားတော့ မသိပါဘူး...
အဲဒါကြောင့် ဒီတခါ မြိတ်ခရီးစဉ်မှာ ပူကျူးလေးအတွက် Motto လေးတစ်ခု ရလာပါတယ်...

အဲဒါကတော့ "နူးညံ့အိထွေး ပူကျူးလေး..."ပါခင်ဗျာ... 😍😘

ခွဲရကာနီးတိုင်း ဖြစ်နေကျ ပြဿနာ

မနက်ဖြန်ဆို ကျွန်တော် အရမ်းချစ်မြတ်နိုးရတဲ့ ကလေးလေးနဲ့ ခန ပြန်ခွဲရပြန်ပါဦးမယ်... ၂လ တစ်ခါလောက် တွေ့ဖို့အရေးတောင် မလွယ်ကူလှတဲ့ ကျွန်တော်တို့ ချစ်သူ ၂ ယောက်အတွက် အတူတူ ရှိခွင့်ရတဲ့ ၃ ရက်လောက်ဟာ တန်ဖိုးကြီးလွန်းလှပါတယ်...

ဒီလိုပဲ ပြန်ကာနီးအချိန်တွေနဲ့ ခွဲရကာစ အချိန်တွေမှာ ကျွန်တော်တို့ ၂ ယောက် စိတ်အလိုမကျ ဖြစ်တတ်ပါတယ်... စိတ်အလိုမကျမှုရဲ့ နောက်ဆက်တွဲ ပြဿနာကတော့ တစ်ယောက်နဲ့ တစ်ယောက် စကားများတာပါပဲ...

တကယ်ဆို တခါတလေ ဘာမှလည်း မဟုတ်ပါဘူး... ကိစ္စသေးသေးလေးကိုပဲ စိတ်အလိုမကျမှုတွေကြောင့် စကားများကြတတ်ပါတယ်... သိလည်းသိကြပါတယ်... ကိုကိုတို့ ဖြစ်နေတဲ့ ပြဿနာတွေကလေ အတူတူ ရှိနေရင် ဖြစ်မှာ မဟုတ်ဘူးနော် ဆိုပြီးတောင် ပြောဖြစ်ကြပါတယ်...

ဒီနေ့လည်း ထို့အတူပါပဲ... အတူတွေ့ခွင့်ရတဲ့ ဒီ ၃ ရက်ထဲက တစ်ရက်ကို ကျောင်းဖွင့်ချိန်ကြောင့် နှုတ်လိုက်ရတော့ စိတ်ထဲမှာ နားလည်ပေးပေမယ့် အလိုမကျ ဖြစ်မိနေပါတယ်... အဲလိုနဲ့ ကလေးလေးနဲ့ စကားများကြပြန်ပါတယ်... ၂ ယောက်လုံး မောပြီး နောက်ဆုံးတော့ ကလေးလေး အိပ်မောကျသွားပါတယ်... စကားများနေကြတဲ့အချိန်မှာ ၂ ယောက်လုံး မာန်မာန၊ ဒေါသတွေ၊ မောဟတွေနဲ့ ပူလောင်လွန်းသလောက် ဒါတွေပြီးသွားရင် ကျွန်တော့်မှာ ပြောမိသမျှတွေအတွက် တခါ စိတ်မကောင်းဖြစ်ရတတ်ပါတယ်...

အခုလည်း ကလေးလေး ပင်ပန်းပြီး အိပ်ပျော်သွားတော့ "ကလေးလေးရေ... အိပ်တော့နော်... ကိုကို မှားတာပါကွယ်... စိတ်မဆိုးနဲ့တော့နော်... အရမ်းချစ်တယ်..." လို့ ပြောရင်း iPad ကနေ အာဝါးလှမ်းပေးတော့ အိပ်ချင်မူးတူးလေးနဲ့တောင် "ပူကျူးလေးလည်း ကိုကို့ကို အရမ်းချစ်တယ်..." လို့ပြောရင်း လက်အုပ်လေးချီ ကန်တော့ တော့ မျက်ရည်လည်မိပြန်ရောပေါ့ ကလေးလေးရယ်...

လက်အုပ်လေးချီပြီး သူပြောတာ၊ မသိစိတ်နဲ့လား၊ သိစိတ်နဲ့လား မသိပေမယ့် ကလေးလေးကို ပိုချစ်မိသလို၊ နောင်ကိုလည်း တတ်နိုင်သမျှ စကားမများအောင် ကိုကိုကြိုးစားမယ်လို့ ဆုံးဖြတ်လိုက်ပါတယ်...
Love you so much Bae!

အမှတ်တရ အလွဲ (၅)

၁၆.၁၀.၁၈

ဒီနေ့ဟာ အမှတ်တရ နေ့ဖြစ်သလို အရေးပါတဲ့နေ့လည်း ဖြစ်ပါတယ်... ဘာဖြစ်လို့လဲ ဆိုတော့ ကျွန်တော် အရမ်းမြတ်နိုးရတဲ့ ပူကျူးလေးနဲ့ အိမ်က အဖေနဲ့ အမေတို့ကို အပြင်မှာ စပြီး မိတ်ဆက်ပေးရ၊ တွေ့ပေးရမယ့် နေ့လေးမလို့ပါပဲ... 😇😇😇

ပူကျူးလေးဟာ ဗေဒါရောင် မြန်မာဝတ်စုံလေးကိုဝတ်၊ ဆံပင်လေးကို ချပြီး အရမ်းကို လှပတင့်တယ်နေပါတယ်👸🏻👸🏻👸🏻...အိမ်ကို သွားတဲ့ လမ်းတလျှောက် ပျော်ရွှင်မြူးတူးနေတဲ့ ဘေဘီလေးဟာ ကျွန်တော်တို့ အိမ်တံခါးပေါက် ရောက်တဲ့အချိန်မှာတော့ ရုတ်တရက် ငြိမ်လို့သွားပါတယ် 😳😳😳... Bell တီးနေတဲ့ ကျွန်တော့နောက်ကို လာကပ်ရင်း တိုးတိုးလေး ပြောလိုက်တာက "ကိုကို... ပူကျူးလေး ကြောက်တယ် 😨😨😨..." တဲ့...

ပူကျူးလေးကို မကြောက်အောင် အားပေးလိုက်ရပါသေးတယ်... အဖေ၊ အမေတို့နဲ့ ပူကျူးလေးစတင် တွေ့ဆုံခြင်းဟာ အစစ အဆင်ပြေချောမွေ့ခဲ့ပါတယ်... ပူကျူးလေးရဲ့ စိတ်ခံစားချက်လေးတွေ မေးချင်ပေမယ့် မေးခွင့်မသာခဲ့ပါဘူး... အဲဒီနောက် စီစဉ်ထားတဲ့အတိုင်း Hotpot City မှာ ညစာ တူတူသွားစားကြပါတယ်... လမ်းတလျှောက်မှာလည်း အမေနဲ့ပူကျူးလေး စကားတပြောပြော သွားကြတာကြောင့် လမ်းမှာလည်း မိဘတွေနဲ့ တွေ့ရတဲ့ ခံစားချက်ကို ကျွန်တော် မမေးဖြစ်ပြန်ပါဘူး... 🗣

Hotpot City ရောက်တော့ စားချင်တာတွေ မှာကြ၊ ယူကြ၊ စားဖို့ပြင်ကြနဲ့ စစချင်း အလုပ်တွေ ရှုပ်နေကြတာ စကားတောင် သေချာ မပြောနိုင်ကြဘူးလေ... ထိုင်ကြတဲ့အခါ ကျွန်တော်နဲ့ ဘေဘီလေးက တစ်ဖက်၊ မေကြီးနဲ့ အန်တီမြနဲ့က တစ်ဖက် ထိုင်ကြပါတယ်... အဲဒီနောက် စားကြသောက်ကြရင်း ရုတ်တရက် ပူကျူးလေးက ကျွန်တော့နားကို ကပ်လာပါတယ်... ကျွန်တော်သိလိုက်ပါတယ်... မိဘတွေနဲ့ တွေ့ရတဲ့ ခံစားချက်ကို သူကလေး ပြောတော့မယ်ပေါ့... စိတ်ထဲမှာ ရုတ်တရက် အတွေးလေးတွေဝင်လာတယ်... ဘေဘီလေး ပြောလာမယ့် စကားက

"ကိုကို... ပူကျူးလေး ပျော်လိုက်တာကွယ် 😇..."

"ကိုကို... ပူကျူးလေး စိတ်တွေလှုပ်ရှားနေတယ် 😍..." ဒါမှမဟုတ်

"ကိုကို့ ဖေကြီးမေကြီးတို့က သဘောကောင်းလိုက်တာ 💑..." စသဖြင့် တခုခုတော့ ပြောတော့မယ်လို့ပေါ့...

သူကလေး ကျွန်တော့အနားကို နီးနီးလေး ကပ်လာပါတယ်... ကျွန်တော်က ခေါင်းကလေးတိုး နားကို စွင့်လိုက်တာပေါ့... ပူကျူးလေးကလည်း လေသံလေးနဲ့ တိုးတိုးလေး ပြောလိုက်ပါတယ်... 🤫🤫🤫

"ကိုကို... ဟိုဖက်က ရေညှိထည့်ထားတဲ့ဟာ ပေးပါဦး..." တဲ့ဗျာ... 😖😖😖

ကျွန်တော့ စိတ်ထဲမှာ Ro ထားသမျှ... အင့်ကနဲ ကို နေတော့တာ... 😂😂😂

😔😔😔

😔I’m sorry... Don’t leave me, Ko Ko😭
😔I just need your hug...😭
😔I just need your kiss...😭
😔I just need your care...😭
😔No... Actually, I’m just missing our past days...bcoz I definitely know we don’t have them anymore...😭
😔But... I still need you bcoz I love you 😭

🎭ခြောက်သွေ့ခြင်း တို့ရဲ့အစ🍂

🎭အော်... တစ်စတစ်စနဲ့ တိတ်ဆိတ်လာလိုက်တာ... အရင်က သူမဟုတ်သလိုပါဘဲလား... 🍂

🎭ခြောက်သွေ့လာလိုက်တာ... ဘယ်လောက်တောင်ကြာနေပြီလဲဟင်🍂

🎭အရင်က ကြည်နူးစရာလေးတွေကိုဘဲ ပြန်ခံစားပြီး ကြည်နူးနေလိုက်ပါတယ်🍂

🎭အတိတ်တွေကိုအသက်သွင်း ကျေနပ်နေရတာ တစ်ခါခါကြတော့ အတော်ခက်သားဘဲနော်🍂

🎭သူ နားလည်ပါ့မလား... 🍂

🎭သူ ရိပ်မိပါ့မလား...🍂

🍂🍂🍂 သူ 🍂🍂🍂

လွမ်းဆွတ်ခြင်း၊ စိတ်မကောင်းခြင်း များစွာ...

Grand Hantha ဆေးရုံမှာ အလုပ်စဝင်ကတည်းက ကိုကိုအချစ်ရဆုံး ပူကျူးလေးအတွက် ပေးနေကျ အချိန်တွေ သိသိသာသာ လျော့သွားတယ်...

ရှေ့ရေးအတွက် အလုပ်ဝင်ခဲ့တာ၊ အလုပ်ကြိုးစားနေရတယ်ဆိုတာ သိပေမဲ့ နှစ်ယောက်လုံးရင်ထဲ သိသိသာသာ လွမ်းဆွတ်ခြင်း၊ တမ်းတခြင်းအပြင် စိတ်အလိုမကျခြင်းတွေ၊ ဝမ်းနည်းခြင်းတွေပါ ဝင်ရောက်လာတယ်လေ...

အထူးသဖြင့် ဒီနေ့လို့ 12-12 duty ဆင်းရတဲ့ နေ့မျိုးပေါ့... ညဖက်ညဖက်တိုင်း ကိုကို ချော့သိပ်နေကျ ကလေးလေးက တစ်ယောက်တည်း အိပ်ရရှာတယ်... ရင်ထဲမှာ အတော်ကို မကောင်းဖြစ်မိတယ်... ကလေးလေးဆီက လွမ်းနေတဲ့ အကြောင်း စာလေးတွေ၊ ဗီဒီယိုလေးတွေ၊ စတေးတပ်စ်လေးတွေမြင်ရင် မျက်ရည်ကျမိလောက်တောင် အထိပဲ... 😢

"ပူကျူးလေးရယ်... ပူကျူးလေးဟာ ကိုကို့ အတွက် အရေးအကြီးဆုံး၊ ပူကျူးလေးဟာ ကိုကို့ ဘဝပါပဲ... အလုပ်လုပ်နေတာလည်း ပူကျူးလေးနဲ့ ကိုကိုနီးစပ်ဖို့ဆိုတာ တွေးရင်း အားတင်းထားပေမဲ့ တခါတလေကျတော့လည်း အကုန်လုံးကို ပစ်ချပြီး ကလေးလေးနားကိုသာ ရောက်လာချင်မိတော့တယ်ကွယ်..."

အခု ဒီစာကို ပူကျူးလေး ပို့ထားပေးတဲ့ Video လေးတွေ ကြည့်ပြီး စိတ်မကောင်းခြင်းများစွာနဲ့ ကိုကို ရေးပါတယ်...

ပူကျူးလေးနဲ့ကိုကို အမြန်ဆုံး နီးရပါစေကွယ်... 🙏

အိပ်ချင်ပူကျူးလေးရဲ့ အလွဲ (၄)

၂.၉.၁၈

ဒီတခါလည်း ခါတိုင်းလိုပဲ ပွဲရှိတဲ့ နေ့၊ ပူကျူးလေး ပင်ပန်းတဲ့ နေ့ တစ်နေ့မှာပါပဲ...

တနင်္ဂနွေနေ့ဖြစ်တဲ့ ဒီနေ့မှာ ကလေးလေးတို့ Botany Department ရဲ့ ဆရာကန်တော့ပွဲ လုပ်ပါတယ်... ထုံးစံအတိုင်း ကလေးလေးက စီစဉ်သူအဖြစ် ပါဝင်ရတာပေါ့... ညကျ ပင်ပန်းပြီး အိပ်ငိုက်နေပါရော... အလုပ်ဝင်ကတည်းက စကားကောင်းကောင်း မပြောရတော့ ဒီနေ့ ကျွန်တော့ Off ရက်လေးမို့ သူကလေး အားတင်းပြီး စကားပြောရင်း အိပ်ငိုက်လာပုံရပါတယ်...

"ပူကျူးလေး... အိပ်တော့မှာလား..."

"ဟင့်အင်း..."

ဟင့်အင်းသာ ပြောတာပါ... မျက်လုံးလေးက မပွင့်တော့...

"ကလေးလေး... အိပ်တော့မှာလားလို့..."

"အိပ်သေးဘူး..."

မအိပ်သေးဘူး ပြောရင်း အိပ်ပျော်လုဆဲဆဲဖြစ်လို့...

"ပူကျူးလေး အိပ်တော့မှာပါ... အိပ်ကာနီးရင် ဘာပြောရမလဲ??"

ဒီရက်ပိုင်းအတွင်း ပူကျူးလေး အိပ်ကာနီးတိုင်း "ကိုကို့ကို အရမ်းချစ်တယ်..."လို့ ပြောပြီးမှ အိပ်နေကျမို့ အဲဒီ စကားလေး ကြားချင်လို့ ကျွန်တော်က မေးနေတာပေါ့...

"ဟင်... ဘာလဲ?.. %%££$$"

အိပ်ချင်မူးတူးနဲ့ ဗလုံးဗထွေး အသံလေးတွေ ထွက်လာပါတယ်... ဒါနဲ့ ကျွန်တော်က

"ပူကျူးလေး ဘာပြောတာလဲ ???" 😳

"သြော်... တီချယ်ကြီးကို သစ်တော်သီး ကျွေးလိုက် လို့..." တဲ့...

"ဟမ်... ဘာတွေ ပြောနေတာလဲ ပူကျူးရဲ့... 😳

ပူကျူးလေး အိပ်တော့မှာလေ... အိပ်ကာနီးရင် ဘာပြောရမလဲလို့ဆို..."

အဲလို ပြောလိုက်တော့ ဘာပြန်ပြောလိုက်တယ် မှတ်သလဲ?

"ဘာလဲ... ကိုကိုကပါ သစ်တော်သီး စားချင်လို့လား..."
တဲ့ခင်ဗျာ...

🤣🤣🤣

ကလေးလေးအတွက် ကလေးကဗျာ

ပူကျူးလေး
ပူကျူးလေး
ကိုကို့ သဲတုန် ပူကျူးလေး...

ပူကျူးလေးက လှတယ်ဆို
ကိုကို ချစ်ရသကို

မယုံရင် ကြည့်ပါလား
ရော့ဗျာ အာဝါး 😘

၁.၉.၁၈

Love you more than anything

မနေ့က ပူကျူးလေးရေးတဲ့ စာလေး ဖတ်မိတော့ ရင်ထဲ မကောင်းလိုက်တာ... 😓😓😓

ကိုကို့အပေါ် တွယ်တာမှုတွေနဲ့ ချစ်တဲ့ ပူကျူးလေးရဲ့ စိတ်ကို ကိုကို သိတာပေါ့ကွယ်...

ကိုကိုလည်း ထပ်တူ မြတ်နိုး တွယ်တာရတာပါပဲ... မအားလပ်တာ၊ လုပ်ငန်းခွင်ထဲရောက်နေတာတွေကြောင့် ခါတိုင်းလို ပူကျူးလေး ခေါ်တိုင်း ကိုကို စကားမပြောပေးနိုင်တော့ စိတ်တွေပိုပင်ပန်းရပါတယ်...

ကိုကိုတို့ ၂ ယောက်ရဲ့ ရှေ့ရေးအတွက်မလို့ ခနတော့ သည်းခံပြီး လွမ်းကြရဦးမှာပေါ့ ကလေးလေးရယ်..

ပူကျူးလေး တွေးရမှာက ပူကျူးလေးရဲ့ ကိုကိုဟာ လူကသာ အလုပ်တွေလုပ် မအားမလပ်ဖြစ်နေပေမယ့် စိတ်က အမြဲ ကလေးလေးနားမှာဆိုတာပဲ... ပူကျူးလေးကို အရာအားလုံးထက် ပိုချစ်၊ ပိုတန်ဖိုးထားတယ်ဆိုတာလေး သိထားပေးပါကွယ်... နော်... 😘😘😘❤️❤️❤️

Love you so much bae!

♥️ချစ်သဝဏ်လွှာ♥️

သို့
အရမ်းချစ်ရပါသောကိုကို

ပူကျူးလေး သတိရခြင်းများစွာနဲ့စာရေးလိုက်ပါတယ်... ဒီနေ့က ကိုကိုရဲ့ ပထမဆုံးအလုပ်ဝင်တဲ့ရက်လေး ဆိုတော့ အရင်ဆုံး ဂုဏ်ပြုစကားလေးပြောမယ်နော်...ကိုကိုရေ Congratulations ပါ... အစစအရာရာအဆင်ပြေပါစေ... အလုပ်မှာပင်ပမ်းစရာကြုံလည်းအားတင်းထားပါနော်... ကိုကိုနဲ့ ကလေးလေးရဲ့ ဘဝရှေ့ရေးကိုတွေးပြီး အားတင်းထားပါ...I am very proud of you, Bae♥️

ကဲ စာလေးဆက်ရအောင်...  ကိုကို ပူကျူးလေးအခုဘယ်မှာလဲသိလား... ထမင်းစားခန်းထဲမှာ...အမြဲတမ်း ကိုကို့ကို ဂျီကျပြီး ကိုကို့မျက်နှာမြင်မှ ထမင်းစားမယ်ဆိုတဲ့ ပူကျူးလေးက တစ်ယောက်ထဲ စားဖြစ်နေပြီလေ...စိတ်မပူနေပါနဲ့နော် ကလေးလေး ကောင်းကောင်းစားနေပါတယ်... ဟင်းတွေကလည်းစုံလို့... ငါးဥကြော်... ကြက်ခြောက်စပ်...ကိုကိုအရမ်းစားချင်တဲ့ ရှုပ်ခရုဟင်းချိုလေးရယ် ငါးပိရည် တို့စရာရယ်... ကြည့် ဘယ်လောက်ကောင်းလိုက်လဲ...စားပြီးရင် ရေချိုးထားမယ် သနပ်ခါးလေးပါလိမ်းထားမယ်...အဲ့ဒါမှ ကိုကိုပြန်လာတဲ့အချိန်ဖုန်းခေါ်ရင် အမောပြေမှာ...♥️

ကိုကိုရေ... ကိုကို့ကလေးလေးကလေ ကိုကို့ကိုချစ်တဲ့စိတ်နဲ့စား ချစ်တဲ့စိတ်နဲ့ နေနေတာပါ...ကိုကိုအလုပ်တွေပင်ပမ်းတဲ့အခါ မှတ်ထားရမှာက ကိုကိုတစ်ယောက်ထဲပင်ပမ်းနေတာမဟုတ်ဘူး... ပူကျူးလေးလဲ ကိုကို့ကိုလွမ်းတဲ့စိတ်နဲ့ပင်ပမ်းနေပါတယ်... လို့ ♥️

ကိုကို့ရဲ့ အသည်းတုန် အူတုန် ပူတူးတူး ပူကျူး ကလေးလေး... 😝💕♥️

♥️ ကိုကိုရေ... ♥️

ကိုကိုမသိဘူး 😔

ကိုကိုမသိဘူး...
ကိုကိုနဲ့အဆက်အသွယ်မရတဲ့အခါ ပူကျူးလေးရဲ့အချိန်တွေ ရပ်နေတတ်တာ😔

ကိုကိုမသိဘူး...
ကိုကို့ဖုန်းမျှော်နေရင်း ပူကျူးလေးအချိန်တွေ သေနေတတ်တာ😔

ကိုကိုမသိဘူး...
ကိုကိုဆက်သွယ်မှုဧရိယာ ပြင်ပရောက်နေတယ်ဆိုတဲ့အဖြေက ပူကျူးလေးကိုဘယ်လောက်ပူလောင်စေတယ်ဆိုတာ😔

ကိုကိုမသိဘူး...
ပူကျူးလေးဆိုတဲ့ ကလေးလေးက ကိုကို့ကိုချစ်တဲ့စိတ်နဲ့ အသက်ရှင်လှုပ်ရှားနေတယ်ဆိုတာ😔

ပူကျူးလေးတို့နှစ်ယောက်ရှေ့ရေးအတွက် ကိုကိုကြိုးစားနေတာသိပေမယ့်...
မြန်မြန်ပြန်လာပါတော့နော် မြန်မြန်ဖုန်းခေါ်ပါတော့...
ပူကျူးလေးမျှော်ရတာ မောလှပါပြီ...😭😭😭

My Private Birthday Memo For Ko Ko🎁

🎁Ko Ko, walk with me when your heart needs company... 🎈  

🎁Talk to me when you feel alone ...🎈

🎁Trust me when your heart beats more...🎈

🎁Think of me whenever you need a true friend...🎈

🎁Since you have come into my life, it has been filled with romance and love...🎈

💕I love you more than anything in this world💕

💑You are my hero, my companion in the time of trouble. 🥊

💑The feeling of being in your arm is so precious and endless..Ko Ko♥️

♥️I love you so much, Bae....I love you, I really do♥️

ပူကျူးလေးနဲ့ တရေးနိုးစကားစမြည်

အခုလေးတင် ကိုကိုရဲ့ ကလေးလေး မိုးသည်းလို့ နိုးလာပါတယ်... အချိန်အားဖြင့် မနက် ၃ နာရီ ကျော်ကျော်ပေါ့... လန့်နိုးလာတော့ ကလေးလေးရဲ့ ထုံးစံအတိုင်း facetime ကနေ လှမ်းခေါ်ပါတယ်...

ပူကျူးလေးက ပြောတယ်...

"ကိုကို... ပူကျူး အိပ်မက်မက်နေတာ... ၇ ပြည်ထောင် မင်းတွေလေ... ပူကျူးကို လိုချင်လို့တဲ့ လုမလို့တဲ့..."

အဲလို နဲ့ စကားပြောရင်း ချောင်းဆိုးလာပါတယ်... နေ့စဉ်ရက်ဆက်ဆိုသလို ပင်ပန်းနေတော့ ကိုကို့ ဘေဘီလေး ဖျားချင်နေပြီလေ... အိပ်ကလည်း အိပ်ချင် ချောင်းကလည်းဆိုးဆိုတော့ တဖြည်းဖြည်း သူကလေး စိတ်တိုလာပါရော... ဒီတော့ စိတ်ပြေသွားအောင် ကျွန်တော်က ဒီလိုလေး ပြောလိုက်တယ်...

"ချောင်းဆိုးတာ အိပ်မက်ကြောင့် ကလေးလေးရဲ့..."

"ဟမ်... ဘာလို့လဲ?"

"ဟုတ်တယ်လေ... ၇ ပြည်ထောင် မင်းတွေ ပူကျူးလေးရဲ့ အိပ်မက်ထဲ စစ်ဖြစ်တော့ မီးတွေယမ်းတွေသုံးတာကိုး... မီးခိုးတွေနဲ့ အဆုတ်ထဲမှာ ပြည့်တော့ ချောင်းဆိုးလာတာပေါ့"

"ဟာ... စစ်မဖြစ်သေးဘူး... အခုမှ တိုင်ပင်တုန်း... အစည်းအဝေး လုပ်တုန်း ရှိသေးတာ ကိုကိုရဲ့..."

အိပ်ချင်မူးတူးဖြစ်နေတဲ့ ကလေးလေးကို ကျွန်တော် စချင်လာပါတယ်... အဲဒါနဲ့

"သြော်... အဲလိုလား... ဒါဆို အစည်းအဝေး လုပ်တော့ ဘယ်မှာ လုပ်တာလဲ?" 🤫

"ခန်းမထဲမှာ..." 😇

"ဒါဆို... သဘာပတိက ဘယ်သူလဲ?" 😊

"ဒေါက်တာ နီနီဦး..." 😝

"MC ကရော...?"

"MC မပါဘူး..."

"အစည်းအဝေး လုပ်တာကွယ်... MC မပါဘူးလား"

"ဟုတ်တယ်... ပူကျူးကို သူတို့ ကြိုမပြောကြဘူးလေ..."

"tea break ကော ပေးသေးလား? " ☕️

"မပေးဘူး..." 😂

❤️❤️❤️😘😘😘

အဲလိုလေးပြောရင်း ချောင်းဆိုးလာလို့ ဆက်မမေးဖြစ်တော့ပါဘူး... အဲဒီနောက်တော့ တဖြည်းဖြည်းနဲ့သူကလေး ပြန်အိပ်ပျော်သွားပါတယ်... မနက်ကျမှ ဒီစာလေးပြရင်း မေးကြည့်ရပါဦးမယ်... ညက ပြောထားတာတွေ မှတ်မိရဲ့လားလို့... 😄


PS. အိပ်ချင်မူးတူးလေးနဲ့ ကျွန်တော်မေးနေတာတွေကို ပြန်ဖြေနေတဲ့ ကိုကို့ရဲ့ ဘေဘီပူကျူးလေးကို အရမ်းချစ်လို့ အမှတ်တရ အနေနဲ့ ဒီနေ့ ဒီစာကို ချက်ချင်း ရေးပါတယ်... 😘

ခိုင်မြဲသော တွဲလက်တွေ ဖြစ်ရအောင်

ကလေးလေးကို အရမ်းချစ်တယ်ကွယ်... ❤️

ဘယ်နိုင်ငံက ဘယ်ဘာသာ စကားကမှ
ကိုကို့ ရင်ထဲက ကလေးလေးအတွက် အချစ်တွေကို
ပြည့်ပြည့်စုံစုံ မဖော်ပြနိုင်ဘူး... 😇

ဘယ်အကြောင်းကြောင့် ဖြစ်ဖြစ်... ဘယ်သူ့ကြောင့် ဖြစ်ဖြစ်...
လက်တွဲမဖြုတ်ဘဲ တူတူ ရင်ဆိုင်ကြမယ်နော်...
ဘယ်တော့မှ ဆုပ်ကိုင်ထားတဲ့ လက်တွေကို မလွှတ်ကြေး... 🤝

သရဏဂုံ ၃၀

မှတ်မှတ်ရရ လွန်ခဲ့တဲ့ ၆ ရက်လောက်က ပူကျူးလေးက

"ကိုကို... သရဏဂုံ ၃၀ ဆိုရအောင်... ပူကျူး တိုင်ပေးမယ်.." ဆိုပြီး တူတူ စပြီး ရွတ်ဖတ်ခဲ့ကြပါတယ်...

ကျွန်တော်တို့ ၂ ယောက် အပြန်အလှန် မြတ်နိုးကြပြီးတဲ့နောက် "၉ နဝင်း" ပုတီးကို တူတူစပြီး စိပ်ခဲ့ကြတာပါ... 😇

အခု နောက်ထပ် တူတူ ပြုလုပ်တဲ့ ကုသိုလ်အဖြစ် သရဏဂုံ ၃၀ ကို ရွတ်ဖြစ်တဲ့အတွက် ရင်ထဲမှာ ကြည်နူးမိပါတယ်... 😇အခုလို တူတူ ပြုရတဲ့ ကုသိုလ်တွေကြောင့် နောက်ဘဝ၊ ဘဝတွေမှာလည်း ကလေးလေးနဲ့ တူတူ ဆုံရပါစေ... တစ်ယောက်နဲ့တစ်ယောက် အပြန်အလှန် မေတ္တာ မျှကြရပါစေ ကလေးလေးရယ်...

ကလေးလေးကို အရမ်းချစ်တယ်... 😘

သူ...

👨သူက ကျွန်မရဲ့ မနက်ခင်း 🌄
👨သူက ကျွန်မရဲ့ နေ့လည်ခင်း ☀️
👨သူက ကျွန်မရဲ့ ညနေခင်း🌄
👨သူက ကျွန်မရဲ့ နိုးထလာခြင်း နဲ့ အိပ်စက်ခြင်း🛏
👨သူက ကျွန်မရဲ့ အလင်းရောင်🌟
👨သူက ကျွန်မရဲ့ Oxygen🌳
👨သူက ကျွန်မရဲ့ တေးသွား🎶
👨သူက ကျွန်မရဲ့ အချိန်🕰
👨သူက ကျွန်မရဲ့ လှုပ်ရှားမှု🛵
👨သူက ကျွန်မရဲ့ ခံစားချက် 🤡
👨သူက ကျွန်မရဲ့ မှန်တစ်ချပ်👩
👨သူက ကျွန်မရဲ့ ခွန်အား💪
👨သူက ကျွန်မရဲ့ အရာရာ💑
👨ဒီတော့ သူက...........? 

❤️ကျွန်မ ရဲ့ ဖြစ်တည်မှု ❤️

အိပ်ချင်ပူကျူး...

ပူကျူးလေးရဲ့ အကျင့်လေးတွေထဲမှာ အိပ်ချင်လာရင် ချက်ချင်း အိပ်ချင်မူးတူးဖြစ်သွားပြီး တစ်ခုခု လုပ်ဖို့ ပြောရခက်တာပါ... ဒါကြောင့် သူ လန်းဆန်းနေတုန်းမှာ ခြင်ထောင်ထောင်ဖို့၊ ပုတီးစိပ်ဖို့ အဝေးကနေ ကျွန်တော်က လှမ်းပြောရပါတယ်... 🗣

ညတိုင်း ကျွန်တော် ချော့သိပ်ရတယ်ဆိုပေမဲ့ ပူကျူးလေးကို ပုံပြင်ပြောတာပဲ ဖြစ်ဖြစ်၊ သီချင်းဆိုပြတာပဲ ဖြစ်ဖြစ် ခဏပါပဲ... သူမ အိပ်ချင်နေရင် ခနလေးအတွင်း အိပ်ပျော်သွားစမြဲပါ... ဒီနေ့တော့ ည အစောပိုင်းမှာ စာသင်ဖို့ Presentation တွေ ပြင်နေတဲ့အတွက် ပုတီးစိပ်တာ နောက်ကျပါတယ်... စိပ်ရမယ့် ပုတီးပတ်ကလည်း သတ္တာဒေဝ မနုဿာနံ ဆိုတော့ ၇ ပတ်တောင် စိပ်ရမှာပါ... စိပ်ရင်း ပူကျူးလေး အိပ်ချင်လာပါရော... မကြာပါဘူး... ပုတီးလေး လက်မှာ ကိုင်ပြီး အိပ်ပျော်သွားပါတယ်... 💤😴

ဒီဖက်ကနေ ကျွန်တော် လှမ်းမေးရတာပေါ့...

"ကလေးလေး... ဘယ်နှပတ် ပြီးပြီလဲ?"

"ဟင်... ဘာလဲ??"

"သြော်... ပုတီး ဘယ်နှပတ် စိပ်ပြီးပြီလဲလို့ မေးတာလေ... "

"အင်း... ၄ ပတ်"

ပြောပြီး ဟိုဖက် လှည့်သွားပါတယ်... လက်ကလေး လှုပ်တာ ခန မြင်ရပြီးနောက် ပြန်အိပ်ပျော်သွားပြန်ပါရော...

"ပူကျူးလေးရေ... ထထ... ပြီးအောင် စိပ်လိုက်ပါကွယ်... နော်..."

"ဟင်... ဘာလဲ... ကိုကို ဘယ်လိုဖြစ်နေလဲ... စိပ်နေတယ်လေ..." တဲ့

စိပ်နေတယ်သာ ပြောတာပါ... လက်ကလည်း ငြိမ်လို့... လူကလည်း အိပ်လို့ပေါ့... ဒီဖက်ကနေ အသံစုံ ပေးပြီး နှိုးရပြန်ပါတယ်... အဲဒီတော့ နိုးလာတယ်... ပြီးတော့ စိပ်နေတဲ့ လက်ထဲကပုတီးကိုကြည့်ပြီး ဘာပြောတယ် မှတ်သလဲခင်ဗျာ့...

"စိပ်နေတယ်လေ ကိုကိုရယ်... ဒီပုတီးကလည်း ဘယ်လိုဖြစ်နေတယ်မသိဘူး... ပြည့်မပြည့်နိုင်ဘူး..." တဲ့ 😂🤣😂

ကျွန်တော့မှာ ရယ်လိုက်ရတာ ဆိုတာ... 😂

ထူးခြားချက်လေး...

Baby လေးရဲ့ ထူးခြားတဲ့ အချက်ကတော့ အိပ်ချင်နေရင် ဖြစ်ဖြစ်၊ အိပ်ပျော်နေရင် ဖြစ်ဖြစ် သူ့စိတ်ထဲမှာ ရှိတဲ့ စကားလေးတွေ ပြောတတ်တာပါ... 💬✔

ဟိုအရင် အဖြေမရခင်ကဆို ကျွန်တော် ညဖက် ချော့သိပ်လို့ အိပ်ပျော်သွားတဲ့အခါ 😴 ကျွန်တော်က ဖုန်းချလိုက်ချိန် လန့်နိုးသွားရင်
"ကို... ဘယ်ရောက်သွားတာလဲ... ကို... ဘယ်မှ မသွားနဲ့နော်... ပူကျူးလေးအနားမှာပဲ နေနော်..."
ဆိုပြီး ချွဲတတ်တာပါ... 😊နိုးနေရင် အဲလို စကားသံလေး မကြားရပါဘူး... 😅

ညဖက် ချော့သိပ်လို့ ပူကျူးလေး အိပ်ပျော်သွားတိုင်း...

"ပူကျူးလေးကို အရမ်းချစ်တယ်..."

ဆိုတာ ကျွန်တော် ပြောနေကျ စကားပါ... အဲဒီ စကားလေး ပြောပြီးမှ ဖုန်းချတာ အမြဲပါပဲ... တခါတရံ အဲဒီစကားလေးကို ကြားတဲ့အခါ အိပ်ပျော်နေရင်းကနေ ပြုံးနေတတ်ပြီး တခါတလေကျပြန်တော့
"ပူကျူးလေးလည်း ကိုကို့ကို အရမ်းချစ်တယ်..."
လို့ ပြန်ပြောတတ်ပါသေးတယ်...

ဒီနေ့ ပူကျူးလေး ပြုံးပြီး
"ကိုကို့ကို ချစ်တယ်"
လို့ ပြန်ပြောလိုက်တာလေးကို Live photo လေး ရလိုက်တယ်... အရမ်း ကျေနပ်မိတယ်... 😇

Love you so much baby lay 😘

ချစ်သူသက်တမ်း ၂ လပြည့်...

9.4.18 မနက်ခင်း လေးမှာ ချစ်သူ တွေ စဖြစ်ခဲ့ကြတဲ့ ကျွန်တော်တို့ ၂ ယောက်အတွက် ဒီနေ့ 9.6.18 ရက်နေ့ဟာ ချစ်သူသက်တမ်း ၂ လပြည့်မြောက်တဲ့နေ့ ဖြစ်ပါတယ်...

၂ လဆိုတာ အချိန်အရ သာ တိုင်းတာခြင်းဖြစ်ပြီး တကယ်တမ်း ကျွန်တော်နဲ့ ပူကျူးလေးရဲ့ တစ်ယောက်အပေါ် တစ်ယောက် ရင်းနီးမှု၊ နားလည်မှု၊ အပြန်အလှန် သံယောဇဉ်တွေဟာ ၂ လလို့ မထင်ရဘဲ နှစ်ပေါင်းများစွာ ကြာခဲ့ပြီလို့ ထူးထူးခြားခြား ခံစားမိပါတယ်... 😊

ပူကျူးလေးရေ... ၂ လပြည့်တဲ့ ဒီနေ့လေးမှသည် နောင် နှစ်ပေါင်းများစွာ၊ ဘဝပေါင်းများစွာ ပူကျူးလေးနဲ့ တူတူ ပျော်ရွှင်စွာ ဘဝကို ဖြတ်သန်းချင်တယ်ကွယ်... တစ်ယောက်နဲ့ တစ်ယောက် နားလည်မှု၊ ယုံကြည်မှု၊ လေးစားမှုတွေနဲ့ တူတူရှေ့ဆက် လျှောက်လှမ်းကြမယ်နော်... တွဲထားတဲ့ လက်ကို ဘယ်တော့မှ မဖြုတ်ကြေး... 😇

Love you so much baby lay! 😘

ကိုကို့ရဲ့ အိပ်ယာဝင် တေး

5.6.2018

အိပ်ပုပ်လေး ကျွန်မအတွက် ညည ဆိုရင် ကိုကို့ထက်အရင်အိပ်ပျော်သွားစမြဲပါဘဲ😴😴😴 အရင်အိပ်ရတဲ့ အကြောင်းကလည်း ကျွန်မအတွက် ခိုင်ခိုင်လုံလုံကြီးရှိနေတာကိုးးးးး😝😜🤪

" ကိုကို ပူကျူးလေးကို ချော့သိပ်ပါ" ဆိုပြီး မအိပ်ခင် ကိုကို့ကို ချွဲပြီး ချော့သိပ်ခိုင်းရတာလေးကို ကျွန်မ အရမ်းသဘောကျတယ်လေ😇❤️😍

အနားမှာသာရှိနေရင်တော့ ကိုကို့ ရင်ခွင်ထဲ ခေါင်းလေးတိုးပြီးကို ချွဲမိမှာ 😔😔😔

ကိုကိုခမျာ ပုံပြင်ပြောတဲ့ည ပြော... သီချင်းဆိုပြတဲ့ည ဆိုပြရ နဲ့ သူ့ရဲ့ အချွဲတုန်းလေးကို ချော့သိပ် ရရှာတယ် 😘😘😘

များသောအားဖြင့်ကျွန်မ အိပ်မယ်ပြောပြီးတာနဲ့ မိနစ်ပိုင်းလေး အတွင်းအိပ်အိပ်ပျော်သွားတတ်ပါတယ်... ကိုကိုက ဘာပုံပြင်ပြောတယ် ဘာသီချင်းဆိုတာဆိုတာကို အာရုံ မရတတ်ပါဘူး.. သတိမထားမိပါဘူး... ချွဲချင်တာလေးကြောင့်သာ ပြောခိုင်းမိတာ... တစ်ကယ်က ကျွန်မ ပင်ပန်းပြီးအိပ်ချင်နေရင် ဘာမှကို မသိဘဲ အိပ်ပျော်သွားတတ်တာပါ...😬😴😜

ဒီနေ့မနက်ကျွန်မ နိုးလာတဲ့ အချိန်မှာ ကျွန်မ ရဲ့ အာရုံထဲမှာရော နားထဲမှာရော ဝိုးတိုးဝါးတားလေး...

"အိပ်တော့ ကလေးရယ် ကလေးငယ်ငယ် အိပ်တော့ကွယ်...."  ဆိုတာလေး ကြားယောင်နေမိတယ်😇😇😇 နိုးတစ်ဝက်အိပ်တစ်ဝက် အိပ်ချင်မူးတူးကျွန်မ မျက်စိကို ပြန်မှိတ်ပြီး ပြုံးလိုက်မိတယ်... အဲ့ဒါ ညက ကိုကို ကျွန်မကို ချော့သိပ်တဲ့ တေး လေး... ❤️❤️❤️

မှတ်မှတ်ရရ ညက ကျွန်မ ကိုကို ဆိုသိပ်တဲ့ အိပ်ယာဝင်တေးလေး နားထောင်ပြီး အိပ်သွားတာပါ... 😘😘😘

ကိုကို ရယ် ပူကျူးလေး ကိုကို့ အပေါ် ပိုပို ချစ်မိနေပါပြီ❤️
ကိုကို့ရဲ့ မေတ္တာတွေကိုလည်း ပိုပို ခံစားမိနေပါပြီ❤️

💗သိပ်ချစ်တယ်💗

အလွမ်း...

ချစ်မြတ်နိုးခြင်းတဲ့...
အရမ်း အဓိပ္ပါယ် ပြည့်ဝတဲ့ စကားလေးတစ်ခွန်း...

ဒီစကားလေးရဲ့ နောက်မှာ...
အတ္တတွေ၊ မောဟတွေ...
ပျော်ရွှင်ခြင်း၊ ရယ်မောခြင်းတွေ...
လွမ်းဆွတ် တမ်းတခြင်းတွေ...
များစွာသော အရာတွေ တန်းစီလို့ပေါ့...

အဲဒီအထဲမှာ
လွမ်းဆွတ်ခြင်းဆိုတဲ့ အရာတစ်ခု
ကျွန်တော့်ကို ဒီရက်ပိုင်း
ပြင်းပြင်းထန်ထန် နှိပ်စက်လို့နေရဲ့ ...
သူ့ ရဲ့နောက်မှာ လိုအပ်ခြင်းဆိုတာလေးက
ကပ်လို့ လိုက်ပါနေသေးတယ်...

ကလေးလေးရေ...
ကလေးလေးအပေါ်
ကြီးစွာသော ချစ်မြတ်နိုးခြင်းတွေနဲ့...
ပုံအောထားတဲ့ ကိုကိုတစ်ယောက်...

ကလေးလေးကို...
လိုအပ်ခြင်း၊ လွမ်းဆွတ်ခြင်းတွေနဲ့...
အရာရာကို စိတ်တိုင်းမကျ
နေလို့ မကောင်း ဖြစ်နေတယ်ကွယ်... 😔

နောက်ထပ် တွေ့ရဖို့ အရေး
အမြန်ဆုံး အဆင်ပြေပါစေလို့သာ
ကိုကို ဆုတောင်းရင်း... 🙏

ထူးခြားလွန်းတဲ့ သူမနဲ့ ကျွန်တော့်ရဲ့ ဆက်သွယ်မှု

ဒါကတော့ တကယ့်ကို ထူးထူးခြားခြားပါ... April ၃ ရက်နေ့ကပေါ့... အဲဒီနေ့က ဗိုလ်တစ်ထောင်နားက ဆေးခန်း တစ်ခုကို သွားကြည့်ဖို့ ကျွန်တော်ထွက်လာခဲ့ပါတယ်... သွားနေရင်း မိုးတွေ သည်းသည်းမည်းမည်း ရွာချပါတယ်... နတ်မောက်လမ်း အရောက် ကားလမ်း ဆိုးဆိုးဝါးဝါး ပိတ်နေချိန်မှာ ရုတ်တရက် လေပြင်းတိုက်လာပါတယ်... အဲဒီအချိန်မှာ ပူကျူးလေးဆီက ထူးထူးခြားခြား သတိပေးစာလေး ရောက်လာပါတယ်... သူမရဲ့ သတိပေးစာကြောင့် ကျွန်တော် မိုးစရွာချိန် လေပြင်းပါတိုက်ရင် သစ်ကိုင်းတွေ ကျိုးကျတတ်တာကို ပိုသတိထားပြီး ကားပိတ်နေချိန်မှာ ရှေ့ကကား ရွေ့တာတောင် ဘေးမှာ သစ်ပင်ရှိနေလို့ လိုက်မကပ်ဘဲ သစ်ပင်လွတ်တဲ့ လက်ရှိနေရာမှာပဲ ရပ်ထားမိပါတယ်... 

တိုက်ဆိုင်လွန်းစွာပဲ ကျွန်တော့ကားနဲ့ ရှေ့ကကားရဲ့ ကြားထဲနေရာကို သစ်ပင် ကျိုးကျပါတယ်... ကျွန်တော်သာ ရှေ့ကကားနဲ့ ပုံမှန်အတိုင်း လိုက်ကပ်မိရင် သေချာပေါက် အပင်အောက်ကို ရောက်မှာပါ... နောက်ပြီး ထူးခြားလွန်းတာက အောက်က ဓါတ်ပုံမှာပါတဲ့ အတိုင်း သူမဆီက သတိပေးတဲ့အချိန်နဲ့ အပင် ကျိုးကျတဲ့အချိန် ၁ မိနစ် လောက်ပဲကွာတာပါ... (အပင်စလဲလဲချင်း ပြာယာခတ်ပြီး စိတ်တွေ လှုပ်ရှားနေတာမို့ ဓါတ်ပုံရိုက်ချိန်ဟာ အပင်တကယ် လဲကျချိန်နဲ့ ၁ မိနစ်လောက် ကွာပါတယ်)... တကယ့်ကို ထူးထူးခြားခြား ဖြစ်စဉ်ပါပဲ... 

အမှန်တကယ် ချစ်မြတ်နိုးကြတဲ့ ချစ်သူတွေမှာသာ ရှိတတ်ကြတဲ့ ဆက်နွယ်မှုလေးမလို့ အဲလို ဆက်နွယ်မှုလေးကို ကျွန်တော် အံ့သြမိသလို၊ ကြည်နူးမှုလေးလည်း ဖြစ်မိပါတယ်... 😇

အမှတ်တရ စကား ၁

ဒုတိယအကြိမ် တွေ့ဆုံမှုလေး...

၉ ဂဏန်းနဲ့ အကျိုးပေးတဲ့ ကျွန်တော်တို့ ၂ ယောက်အတွက် ဒုတိယအကြိမ် တွေ့ဆုံခဲ့ကြတဲ့ ရက်စွဲလေးဟာ ၂၇ ရက်နေ့ဆိုတဲ့ ပေါင်းခြင်း ၉ ရတဲ့ နေ့တစ်နေ့ ဖြစ်ခဲ့သလို၊ နှစ်ယောက် အတူခရီးသွားတဲ့ ပထမဆုံးစီးတဲ့ အဝေးပြေးကားနံပတ်ကလည်း ၁၈၀၉  ဆိုပြီး ပေါင်းခြင်း ၉ ပဲဖြစ်နေခဲ့တာက ထူးခြားမှု တစ်ခုဖြစ်ပါတယ်...

ပူကျူးလေးနဲ့ ၂ ယောက်တူတူထိုင်ပြီး ခရီးသွားချင်တဲ့ ကျွန်တော့်ရဲ့ ဆန္ဒ (မိဘတွေနဲ့ အနည်းငယ် ကတောက်ကဆ ဖြစ်ခဲ့ကြရပေမယ့်) အဆင်ပြေပြေ ပြီးမြောက်ခဲ့တယ်လို့ပဲ ပြောရမှာပါ... ဒီခရီးစဉ်မှာ ပူကျူးလေးနဲ့ ကျွန်တော် စိတ်ချင်း ပိုနီးခဲ့သလို၊ ပူကျူးလေးနဲ့ မိဘနဲ့ ဆက်ဆံရေး အထူးသဖြင့် ပူကျူးလေးရဲ့ မေကြီးနဲ့ ဆက်ဆံရေး ပိုမိုတိုးတက်ခဲ့တာလေးက တကယ့်အမြတ်ပါ...

အတူတွေ့ရတဲ့ အချိန်လေး နည်းပါတယ်... ပြန်ခွဲခွာရတဲ့အခါ နာကျင်ဝမ်းနည်းရပါတယ်... ၂ ယောက်လုံး မျက်ရည်မဆည်နိုင်ခဲ့ကြပါဘူး... ဒါပေမဲ့ အမြဲ နီးစပ်နိုင်ဖို့ တခဏတာ ခွဲခွာနေရတယ်လို့ပဲ ၂ ယောက်သား နှလုံးသွင်းရင်း... အတူတူနေကြရမယ့် နေ့ရက်တွေကို မျှော်လင့်နေကြမယ်နော်...

၃၀.၅.၁၈

၉ နဝင်း

ကျွန်တော်တို့ ၂ ယောက်နဲ့ ၉ ဂဏန်း ထူးခြားမှုကို ရှေ့မှာ ရေးခဲ့ဖူးပါတယ်...

၂ ယောက်သား ၉ နဝင်း ပုတီးတူတူ စိပ်ဖြစ်ခဲ့တာ... အခု ဒီနေ့ ၂၄.၅.၁၈ မှာ ပထမဆုံး အကြိမ် ၉ နဝင်းပုတီးကို အစ အဆုံး အောင်မြင်ပြီးစီးခဲ့ပါတယ်...

ဤ ပြုရသော ကုသိုလ်ကောင်းမှု ကြောင့် ကျွန်တော် တနင်္လာသား ကျော်စွာသက်နှင့် တနင်္ဂနွေသမီး မြတ်ပွင့်ယမုံ တို့နှစ်ဦး၏ ချစ်ခရီးလမ်းအစမှသည် နှစ်ဦးသား ဘဝကြင်ဖော်ဖြစ်သည်အထိ နှစ်ဖက်မိဘမှ အစပြု၍ အစစအရာရာ အဆင်ပြေ ချောမွေ့စွာ ရှိပါစေသား အရှင်ဘုရား... 🙏🙏🙏

ကိုကို့အတွက် ကျွန်မရဲ့ ကုသိုလ်

21.5.2018(Monday)

ဒီကနေ့ ၂၁.၅.၂၀၁၈ တနင်္လာနေ့မှာ ကျွန်မ လွန်ခဲ့တဲ့ ၃/၄ ရက်က ကိုကို့အတွက် ရည်ရွယ်ပြီး သတ်သတ်လွတ်စားကုသိုလ်ယူပေးမယ်ဆိုတဲ့ စိတ်ကူးလေးကို အကောင်အထည်ဖော်လိုက်နိုင်ပါပြီ။ ကျွန်မ ကိုကို့အတွက် ကုသိုလ်ယူပေးရတာဖြစ်လို့ အတိုင်းမသိဝမ်းသာပီတိဖြစ်ရပါတယ်။😇🙏❤️

ကျွန်မက သာမာန်အစိုးရဝန်ထမ်းတစ်ဦးပါ။ တက္ကသိုလ်ရဲ့ သင်ကြားရေးအပိုင်းမှာ အငယ်ဆုံးရာထူးဖြစ်တဲ့ သရုပ်ပြဆရာမတစ်ဦးရဲ့လစာက ကျွန်မအတွက် ပိုလျှံဖို့နေနေသာသာလောက်ငှအောင်တောင်မထိန်းသိမ်းနိုင်ပါဘူး။ မိဘဆီကနေ လိုလေသေးမရှိ လက်ဖြန့်တောင်းလာတဲ့ ဘဝကနေ လစာစားအစိုးရဝန်ထမ်းဘဝကို ကူးပြောင်းတဲ့ အခိုက်အတန့်မို့လည်း လစာကို မထိန်းသိမ်းတတ်သေးပါဘူး။ စုဖို့ဆောင်းဖို့ဆိုလျှင် ဝေးစွ...🙇‍♀️🤦‍♀️🤷‍♀️

တစ်ခါတစ်လေ ကိုကို့အတွက် အမှတ်တရလက်ဆောင်လေးတွေ ဝယ်ပေးချင်တဲ့အချိန်ဆို ကျွန်မအရမ်းဝမ်းနည်းရပါတယ်။ကျွန်မမှာ ပစ္စည်းတွေဝယ်ဖို့ ပိုက်ဆံ အလုံအလောက်မစုမိပါဘူး။ လာမယ့် ဂျူလိုင်လမှာဆို ကိုကို့မွေးနေ့...🎂ကိုကို့အတွက် ကျွန်မရဲ့ ပထမဆုံးမွေးနေ့လက်ဆောင်လေး ဝယ်ပေးဖို့ကိုကျွန်မအမျိုးမျိုး စဉ်းစားနေပါတယ်။ ရန်ကုန်အထိသွားပြီးတော့လည်း မွေးနေ့အမှတ်တရလေးဖြစ်အောင်တစ်ခုခုလုပ်ပေးချင်သေးတယ်။ ကျွန်မခေါင်းထဲမှာ အတွေးတွေ များနေတာတော့ အသေအချာပါဘဲ။💑❤️😇

တစ်နေ့ ကျွန်မတွေးမိတာတစ်ခုက ကိုကို့အတွက် ဘာမှမဝယ်ပေးနိုင်တာတောင် ကိုကို့ကိုသိပ်ချစ်တဲ့ကျွန်မက သူ့အတွက် တန်ဖိုးကြီးတဲ့လက်ဆောင်တစ်ခုဘဲလေ။ ဒီတော့ ကျွန်မကိုကို့အတွက် ဘာတွေ လုပ်ပေးနိုင်မလဲ။ အဲ့ဒါနဲ့ဘဲ ကျွန်မတနင်္လာနေ့တိုင်းကိုကိ့ုအတွက် ရည်ရွယ်ပြီး သတ်သတ်လွတ် ကုသိုလ်ယူမယ်လို့ ကျွန်မဆုံးဖြတ်ခဲ့တယ်။ကိုကို့ကိုလည်းပြောပြဖြစ်ပါသေးတယ်။❤️🙏☺️

ဒီနေ့မနက် ကျွန်မ မြိတ်မြို့ရဲ့သမိုင်းဝင်တန်ခိုးကြီး သိမ်တော်ကြီးဘုရားမှာ ကိုကို့အတွက် ဆီမီးပန်းအမွှေးနံ့သာ အပြင် ထီးတော် တို့ကို လှူဒါန်းခဲ့ပါတယ်။ ကိုကိုစိတ်ချမ်းသာကိုယ်ကျန်းမာဖို့လည်း ဆုတောင်းခဲ့ပါသေးတယ်။ တစ်နေ့လုံးလဲ ကျွန်မဆုံးဖြတ်ထားတဲ့အတိုင်း သတ်သတ်လွတ်ဘဲ စားပါမယ်။ ညကျရင် တစ်နေ့လုံးကိုကို့အတွက် ရည်ရွယ်ပြီးပြုပြုသမျှ ကုသိုလ်ကောင်းမှု အစုစုတို့ကို အမျှအတမ်းပေးဝေမယ်။ မဟာပထဝီမြေကြီးကို တိုင်တည်ပြီး တစ်နေ့တာသတ်သတ်လွတ်စားခဲ့တဲ့ကုသိုလ်ကို သစ္စာပြုမယ်။💑🙏😌

🙏ထိုကဲ့သို့ သတ်သတ်လွတ်စားရသောကုသိုလ်ကြောင့် တနင်္လာသား ဒေါက်တာကျော်စွာသက်သည် အသက်နှင့် ခန္ဓာကို ရန်ရှာမည့် ရောဂါဆိုးအမျိုးမျိုး। အခြေအနေအမျိုးမျိုး। အကြောင်းအမျိုးမျိုး တို့မှ ကင်းဝေးပါစေ🙏

🙏အသက်ရှည် အနာကင်း ဘေးကင်းရန်ကွာ ကျန်းမာချမ်းသာစွာဖြင့် သတ္တဝါတို့၏ အသက်ကို ကယ်တင်နိုင်သော စောင့်ရှောက်ပေးနိုင်သော သမားကောင်းတစ်ဦး। ဘာသာ သာသနာအကျိုး နိုင်ငံ့အကျိုးကို သယ်ပိုးဆောင်ရွက်ပြီး မိဘကို ကျေးဇူးဆပ်နိုင်သော သားကောင်းသားမြတ်တစ်ဦးဖြစ်ပါစေသား... အရှင်ဘုရား🙏

ပူကျူးလေးကို ဒီလိုချော့ခဲ့တာပေါ့ကွယ်...

😇

🎐  👢⚽✅🎗  🍸⚽⛎  🅿️⛎  🎋🍸⛎⛎  👢🅰🍸!

ကျွန်တော်တို့ နှစ်ယောက်နဲ့ နံပါတ် ၉

နံပါတ် ၉ ဂဏန်းဟာ ကျွန်တော်တို့ နှစ်ယောက်ကြားမှာ ထူးထူးခြားခြား နံပါတ်တစ်ခုပါ...

သူကလေးနဲ့ ကျွန်တော် အသက်ကွာခြားချက်ဟာ ၉ နှစ်နဲ့ ၉ ရက်ဖြစ်ပါတယ်...
သူမ မွေးတဲ့အချိန်နဲ့ ကျွန်တော်မွေးတဲ့အချိန် ၉ နာရီကွာပါတယ်...
သူမဆီက Live Video လေး စတင်ရရှိခဲ့တာက ၉.၅.၂၀၁၇ ဖြစ်ပါတယ်...
Wechat မှာ စတင်ပြီး စကားပြောဖြစ်တာက ၉.၂.၂၀၁၈ ဖြစ်ပါတယ်...
သူမရဲ့ ရင်ထဲကို ရောက်စေခဲ့တဲ့ Moments တွေထဲက ထိုင်ခုံလေးလှုပ်စကားပြောခဲ့တဲ့ နေ့က ဖေဖော်ဝါရီလ ၂၇ ရက်နေ့ ဖြစ်ပါတယ်...
နှစ်ယောက်သား ရင်ဖွင့်စကားတွေပြောပြီး စိတ်ချင်းပိုနီးခဲ့တာက April လ ၁၈ ရက်နေ့ ဖြစ်ပါတယ်...
ချစ်သူရည်းစား စဖြစ်ခဲ့တာက ၉.၄.၂၀၁၈ ဖြစ်ပြီး မြန်မာလိုလည်း တန်ခူးလ ၉ ရက်နေ့ ဖြစ်ပါတယ်...
နှစ်ယောက်တူတူ စိပ်နေတာက ၉ နဝင်းဖြစ်ပါတယ်...

Happy one month anniversary

၉.၅.၂၀၁၈

ဒီနေ့လေးမှာ ကိုကိုနဲ့ ပူကျူးလေးတို့ရဲ့ ချစ်သူသက်တမ်း ၁ လပြည့်ပါတယ်... အမှတ်မထင် တွေ့ရှိမိတာလေး တစ်ခုက လွန်ခဲ့သော ၉.၅.၂၀၁၇ တုန်းက ပူကျူးလေးဟာ ကျွန်တော့ဆီကို သူကလေး စာကြည့်နေရင်း စိတ်ညစ်နေတဲ့(ပလပ်ကျွတ်နေတဲ့😄) ဗီဒီယိုလေးကို စတင် ပို့ဖြစ်ခဲ့တဲ့ နေ့လေး တစ်နေ့လည်း ဖြစ်နေတာကို ထူးထူးဆန်းဆန်း တွေ့ရပါတယ်...

ကျွန်တော်တို့ ကြားမှာ ၉ ဂဏန်းလေးဟာ ထူးထူးခြားခြား အမှတ်တရ များစွာနဲ့ပါ... ( ၉ ဂဏန်းနဲ့ ကျွန်တော်တို့ နှစ်ယောက်ရဲ့ ထူးခြားချက်ကို သတ်သတ်ပို့စ်ရေးပါဦးမယ်...)

ဒီနေ့ ဒီရက်လေးမှာ ပူကျူးလေးဆီက ကျွန်တော်လုံးဝ မထင်မှတ်ထားတဲ့ ချစ်စရာ၊ နှစ်သက်မြတ်နိုးစရာ လက်ဆောင်လေးတွေ ရရှိခဲ့ပါတယ်...

ပူကျူးလေး ပစ္စည်းတွေ ပို့လိုက်ပြီ ဆိုကတည်းက ဘာတွေပါလိမ့်ဆိုတဲ့ အတွေးတွေနဲ့ စိတ်လှုပ်ရှားခဲ့ရတာပေါ့... ပစ္စည်းကို ကားဂိတ်မှာ သွားရွေးတဲ့အချိန်ဆို ရင်ခုန်မှုတွေက အယောင်ယောင် အမှားမှားတွေ လုပ်မိစေတဲ့အထိပါ...

လက်ဆောင်လေးတွေရလို့ ကားထဲမှာ ပစ္စည်းလေးတွေကို ကြည့်လိုက်တော့ ပူကျူးလေးရဲ့ အချစ်တွေ၊ မေတ္တာစေတနာတွေကို လက်ဆောင်လေးတွေကတဆင့် နှလုံးသားက နက်နက်နဲနဲ ခံစားလို့ ရပါတယ်... "ကိုကို့ကို အဲဒီလောက်တောင် ချစ်တာပဲလား ကလေးလေးရယ်..." ဆိုတဲ့ အတွေးလေးက ရင်ကို နွေးထွေးစေသလို၊ တဆက်တည်း ဘာလို့မှန်းမသိ ဝမ်းနည်းမှုကိုလည်း ဖြစ်ပေါ်စေပါတယ်...

အဲဒီလက်ဆောင်တွေထဲက သူမပေးထားတဲ့ ကြယ်ဗူးလေးထဲက ကြယ်လေးတွေမှာ စာလေးတွေ ရေးထားတယ်တဲ့လေ...

"ကိုကို ပူကျူးလေးကို စိတ်တို တိုင်း ဒီထဲက စာလေးတွေကို ထုတ်ကြည့်"တဲ့လား? အဲဒီ ခဏတာလေးမှာ ကိုကို့ စိတ်ထဲ ဆုံးဖြတ်လိုက်တာ ပူကျူးလေးကတော့ ဘယ်သိနိုင်ပါ့မလဲ... အဲဒီ ဆုံးဖြတ်ချက်လေးက...

ဒီအထဲက ကြယ်လေးတွေကို တတ်နိုင်သလောက် ထုတ်ဖတ်စရာ မလိုအောင် ကိုကို ပူကျူးလေးအပေါ် ပိုနားလည်မယ်၊ ပိုဂရုစိုက်မယ်၊ ပိုကြင်နာမယ်၊ ပိုချစ်မယ်လို့လေ...

အရမ်းချစ်တယ် ကလေးလေးရယ်... ကလေးလေးရဲ့ ကိုကို့အပေါ် တွယ်တာမြတ်နိုးမှုတွေကိုလည်း ကိုကို နှလုံးသားနဲ့ ခံစားပြီး အသိအမှတ်ပြုပါတယ်...

ချစ်သူ သက်တမ်း တစ်လ ပြည့်မှသည် နောင် လ ပေါင်းများစွာ၊ နှစ်ပေါင်းများစွာ၊ နောက်ထပ် ဘဝပေါင်းများစွာ ကိုကိုနဲ့ ပူကျူးလေးတို့ ဆက်ချစ်သွားကြမယ်နော်... Love you so so much baby! ❤️

PS. ထူးထူးခြားခြား ကြယ် ၅ လုံးကို ဖွင့်ကြည့်တော့ ၅ လုံးစလုံးမှာ ပူကျူးလေးရေးထားတဲ့ စာလေးတွေ ပါတဲ့အပြင် (ကြယ်တိုင်းမှာ စာမပါဘူး)... ပထမဆုံး ဖွင့်တဲ့ ကြယ်လေးမှာ ရေးထားတာက "⟁ အဲဒီနားမှာ အမှိုက်ပုံးရှိလို့ ⟁"တဲ့... ကျွန်တော်တို့နှစ်ယောက်ရဲ့ သင်္ကေတ Triangle လေး နှစ်ခုကြားထဲမှာပေါ့... 😇

မိုးခြိမ်းသံနှင့် ထပ်တူ ရင်ခုန်ပျော်ရွှင်ရခြင်း

မိုးခြိမ်းသံ ကြားရင် ပူကျူးလေးက အရမ်းကြောက်တတ်ပါတယ်... အဲဒီအချိန်ဆိုရင် သူ့ကို ဘာမေးမေး မလိမ်ရဲပါဘူး... 😂 အဲဒါကြောင့် မိုးခြိမ်းတဲ့အချိန် ရောက်ရင် ကျွန်တော် မေးခွန်းလေးတွေ မေးတတ်ပါတယ်...

၂၇.၄.၁၈… အဲဒီနေ့က မိုးတွေ သည်းသည်းမည်းမည်း ရွာပြီး လျှပ်စီးတွေလက်၊ မိုးတွေခြိမ်းနဲ့ ပေါ့... ထုံးစံအတိုင်း ကျွန်တော် ပူကျူးလေးကို မေးခွန်းလေး တစ်ခု မေးလိုက်ပါတယ်...

“ပူကျူးလေး... ကိုကို့ကို ဘယ်လောက် ချစ်မှာလဲ?”
အဲဒီအခါ သူကလေးက ထီမထင်တဲ့ ပုံစံလေးနဲ့
“အဲဒါလား... အင်း... ချစ်နိုင်သလောက်တော့ ချစ်ရမှာပေါ့...😏” တဲ့လေ...

တိုက်တိုက်ဆိုင်ဆိုင်ပဲ … အဲဒီလိုလေး ပြောအပြီးမှာ ⚡️ဂျိန်းးးး!!! ⚡️ဆိုတဲ့ အသံကြီးနဲ့ မိုးခြိမ်းသံ အကျယ်ကြီး ထွက်ပေါ်လာပါတယ်... ဒီအသံကို ကြားကြားချင်းပဲ ပူကျူးလေး ထအော်ပါတော့တယ်...

“အရမ်းချစ်တယ်... အရမ်းချစ်ပါတယ်လို့... အရမ်းချစ်တယ်လို့...” တဲ့ခင်ဗျ 😇…
ကျွန်တော်က “အယ်… အကျယ်ကြီး အော်ပြောတယ်???”  လို့ပြောတော့...
“ပူကျူးလေးပြောတာ မကြားမှာစိုးလို့ အော်ပြောတာ...” တဲ့ 😂
ချစ်ဖို့ကောင်းလိုက်တဲ့ ကလေးလေး... 😘

ဒီ အဖြစ်အပျက်လေးက မှတ်မှတ်ရရ ရင်ခုန် ပျော်ရွှင်ခဲ့ရတဲ့ နေ့လေး တစ်နေ့ပေါ့...

အိပုပ်လေး၏ရင်သို့ တိုးဝင်နေရာယူခြင်း

ဒါဟာ လွယ်ကူတဲ့ ကိစ္စ မဟုတ်တာတော့ အသေအချာပါပဲ... အထူးသဖြင့် ကျွန်တော့်အတွက်ပေါ့... ကျွန်တော်ဟာ တချို့ တချို့သော ယောကျာ်းလေးတွေလို စကားပြောကြွယ်ပြီး ကောင်မလေးတွေကို ဖမ်းစားနိုင်စွမ်း မရှိပါဘူး... ကျွန်တော်စကားပြောရင် ဟန်ဆောင်မှု မပါဘဲ ပွင့်ပွင့်လင်းလင်း ဆက်ဆံတတ်ပါတယ်... စိတ်ထဲမှာလဲ ဘယ်အရာမှ မျိုသိပ်မထားတတ်ပါဘူး...

ဒီလို လူတစ်ယောက်က ပုရိသတွေ ဝိုင်းဝိုင်းလည်နေတဲ့ ချစ်ဖို့ကောင်းလွန်းတဲ့ သူကလေးနားကို ကပ်ဖို့၊ ဒီထက်ပိုပြီး သူမရဲ့ ရင်ထဲမှာ နေရာယူဖို့ဆိုတာ စိတ်ကူးကြည့်ရင်တောင် မလွယ်ကူလှတဲ့ ကိစ္စ တစ်ခုပါ... ဒါပေမဲ့ အဲဒီလို ရိုးသားစွာ ချဉ်းကပ်ခြင်းကပဲ သူမရဲ့ ရင်ထဲမှာ တဖြည်းဖြည်း နေရာရလာတယ်လို့ ယူဆမိပါတယ်...

ပူကျူးလေး ပြောတဲ့ စကားအရ ပြောရရင်

“လက်ကလေးဝင်လာလိုက်၊ ခေါင်းကလေး တိုးဝင်လိုက်နဲ့ တဖြည်းဖြည်း ရင်ထဲမှာ နေရာ အပြည့်ယူသွားတာ” ပါတဲ့... 😇

မှတ်မှတ်ရရ ပူကျူးလေးရဲ့ ရင်ကို ထိမှန်စေတဲ့ အချက်လေးတွေက

Future plan ကို ကျွန်တော် ဆုံလည် ကုလားထိုင်မှာ ထိုင်ခုံလေး လှုပ်ရင်း ပြောတဲ့အချိန် (စကားအတည်ကြီးတွေ ပြောလို့တဲ့ ခင်ဗျ... 😄) (၂၇.၂.၁၈)
သီချင်းဆိုနေတုန်း ဖေကြီး ဝင်လာပြီး စနောက်လို့ အားပါးတရ ရယ်နေတဲ့ အချိန် (အဲလိုရယ်တာမျိုး တွေ့ရခဲလို့တဲ့...😊)
နောက်တစ်ခုက စကားပြော သိမ်မွေ့ညင်သာလို့ပါတဲ့... (အယ်လယ်...😇)
ဒါတွေကတော့ သိသိသာသာ သူမရင်ထဲ တိုးဝင်ခဲ့တဲ့ အချက်လေးတွေပါ... တခြား အချက်ငယ်ငယ်လေးတွေလည်း အများကြီး ရှိဦးမယ်လို့ ထင်ပါတယ်... (ဟုတ်တယ်နော်... ကလေးလေး? 😇)

Negative Power နဲ့ ဆန့်ကျင်၍ ချစ်သော ချစ်ခြင်းများ

ကျွန်တော်နဲ့ ပူကျူးလေးတို့ရဲ့ ချစ်ခြင်းဟာ တစ်ယောက်နဲ့ တစ်ယောက် ထပ်တူညီကြပါတယ်... အပြန်အလှန်၊ နားလည်မှု၊ ဂရုစိုက်မှုတွေနဲ့ပေါ့...

အဲဒီလို ချစ်မြတ်နိုးမှုဟာ တော်ရုံမဟုတ်ပါဘူး... လူတိုင်းဟာ ကိုယ့်ကြိုက်တဲ့ အချက်တွေ ရှိတဲ့သူတစ်ယောက်ကို ချစ်ဖို့ လွယ်ကူပေမဲ့ ကိုယ်မကြိုက်တာတွေကို ဆန့်ကျင်ပြီး ချစ်ဖို့ဆိုရင်တော့ ချစ်တဲ့အချစ်က နက်ရှိုင်းဖို့ လိုအပ်ပါတယ်...

ပူကျူးလေး ကျွန်တော့်အပေါ် ချစ်တဲ့ အချစ်ဟာ အဲလိုအချစ်မျိုးပါ... ပူကျူးလေးနဲ့ စစချင်း စကားစပြောစဉ်က သူမ မကြိုက်တဲ့ အချက်လေးတွေ ကျွနေ်တာ့မှာ အတော်များများရှိကြောင်း ပြောခဲ့ဖူးပါတယ်... ဥပမာ- အရပ်မမြင့်တာ၊ စကားပြောရင် (အငယ်ဆိုတော့) နည်းနည်း ချွဲသလို ပြောတတ်တာ... စသဖြင့်ပေါ့...

ဒါပေမဲ့ ဒီလို Negative Power တွေကို ဆန့်ကျင်ပြီး ပူကျူးလေး ကျွန်တော့အပေါ် နက်နက်ရှိုင်းရှိုင်း ပြန်ချစ်ခဲ့ပါတယ်... အဲဒီ အချစ်တွေကို မမြင်ရ၊ မတွေ့ရပေမဲ့ နှလုံးသားနဲ့ သေချာ ခံစားလို့ရပါတယ်... 😇

အခုလို ပြန်ချစ်ပေးခဲ့တဲ့ အတွက် အရမ်းကို ကျေးဇူးတင်ပါတယ် ကလေးလေးရယ်... Love you more and more! ❤️😘

အိပုပ်လေးရဲ့ သီချင်းလက်ဆောင်...

အိပုပ်လေး ကျွန်တော့်အတွက် ရည်ရွယ်ပြီး သီဆိုတဲ့ ဒီသီချင်းလေးက ရင်ကို ထိရှသော၊ ကြည်နူးစေသော၊ သာယာနာပျော်ဖွယ် အတိပြီးသော သီချင်းလေးပါ... 🎼

ကိုကို့ကို အရမ်းချစ်ပေးတဲ့အတွက်ရော၊ အခုလို နေမကောင်းတဲ့ကြားကနေ ကိုကို့အတွက် သီချင်းလေး ဆိုပေးတဲ့ ကလေးလေးကို ကျေးဇူးတင်ပါတယ်ကွယ်... 😇

ကလေးလေးကို အရမ်းချစ်တယ်... ❤️

Love You!

ကိုယ်က ချစ်ရတာ
ပထမဆု တစ်ခုဆိုရင်
ကိုယ့်ကို ချစ်နေတာကို
သေချာ သိနေရခြင်းဟာ
အထူးဆု တစ်ခု ထပ်ရခြင်းပါပဲ...

လောကကြီးမှာ
ကိုယ်ချစ်မြတ်နိုးရတဲ့သူနဲ့
ကိုယ့်အပေါ် ချစ်မြတ်နိုးသူ
ထပ်တူကျခြင်းဟာ
ကံကောင်းခြင်းပါ...

ဒီထဲမှာမှ
ကိုယ့်ချစ်သူက ကိုယ့်အပေါ်
နားလည်မှု၊ မြတ်နိုးမှု
တွယ်တာမှု၊ တန်ဖိုးထားမှု
စတာတွေ ထပ်ဆင့် ရရှိရင်တော့
သင်ဟာ ကံအကောင်းဆုံးလူသားပါပဲ...

ဟုတ်ကဲ့...
ပူကျူးလေးကြောင့်
အဲဒီ ကံအကောင်းဆုံးလူသားထဲမှာ
ကျွန်တော်ပါဝင်ခွင့်ရပါတယ်... 😇

Love you so much, Baby လေး! ❤️😘

ည...

ည...

ညဖက် ညဖက်တွေတိုင်း...
ကလေးလေးရဲ့ ဦးခေါင်းလေးကို ပုတ်လို့
ဘုရားစာလေးတွေ
ကိုကို ရွတ်ဆိုပေးမယ်...
ကလေးလေး အိပ်မက်ဆိုးတွေ မမက်ဖို့
စည်းချလို့ မေတ္တာသုတ်လည်း ကိုကိုရွတ်မယ်...

အဲဒီနောက်...
ကိုကို့ရဲ့ ကလေးလေး
အိပ်ပျော်တဲ့အချိန်အထိ
သီချင်းလေးတွေ ဆို 🎼
ပုံပြင်လေးတွေ ပြောပြပြီး 💬
ကိုကို ချော့သိပ်မယ်...

ကလေးလေး အိပ်ပျော်သွားတဲ့အခါ 😴
အပြစ်ကင်းစင်လွန်းလှတဲ့
မျက်နှာလေးကို ငေးကြည့်ရင်း
Phone Screen ကြီးကိုပဲ
တရှိုက်မက်မက် နမ်းမိတယ်... 😘

ရင်ထဲက စကားတွေကို
နှုတ်ဖျားကို တဆင့်ပို့ကာ
တီးတိုးလေး ကိုကိုပြောမယ်...
"ကိုကို ကလေးလေးကို အရမ်းချစ်တယ်..." ❤️

အဝေးကနေ ကြင်နာပေးရတဲ့
ဒီလိုနေ့ရက်တွေ ဖြတ်ကျော်လို့
ထာဝရ တူတူနေပြီး ပိုကြင်နာနိုင်ဖို့
ကိုကို ကြိုးစားမယ်... ✊

ထာဝရအတွက်
လောလောဆယ် တခနတော့
အဝေးကနေ ချစ်နေ...
လွမ်းနေရင်း...

နေ့တစ်နေ့ရဲ့ အဆုံးသတ်ကို
End Call ဆိုတဲ့ အနီရောင်
ခလုတ်လေးကို
နှမြောတသစွာ နှိပ်ကာ
ပြီးဆုံးခဲ့ရတယ်... 😞

(၂၂.၄.၁၈)

လွမ်း...

မင်းလေးကို လွမ်းတိုင်း
ကိုယ် လမ်းထလျှောက်ဖြစ်ရင်
ခုချိန်မှာ ကမ္ဘာအနှံ့
ခြေဆန့်ပြီးလောက်ပေါ့...

(၂၀.၄.၁၈)

လေးစား မြတ်နိုးရပါသော ချစ်သူ...

၉ ရက်နေ့ နေ့လည်စာ စားချိန်မှာပေါ့... ကျွန်တော်တို့ မော်လမြိုင်မြို့က တမ်းတမ်းတတ ထမင်းဆိုင်ကို ရောက်ခဲ့တယ်... အဲဒီဆိုင်မှာ သစ်ခွတွေ တခြားပန်းတွေ ထိုးထားတယ်... ထမင်းစားအပြီးမှာ ပူကျူးလေးက ပန်းတွေနဲ့ ဓါတ်ပုံရိုက်ပါရော...

သူကလေး ဓါတ်ပုံရိုက်နေတာမြင်တော့ ဆိုင်ရှင်အမျိုးသားက သစ်ခွပန်း တစ်ခက် ခူးပြီး သူ့ကို ပေးပါတယ်... ပူကျူးလေး အဲဒီ သစ်ခွပန်းခက်လေးကို ကိုင်ပြီး ဓါတ်ပုံ တစ်ပုံ နှစ်ပုံရိုက်ပါတယ်... ကျွန်တော်က ကားပေါ်ကနေ ငေးကြည့်နေရင်း စောင့်နေတာပေါ့...

အဲဒီမှာ ကျွန်တော် မထင်ထားတဲ့ အပြုအမူ တစ်ခုကို ကလေးလေး လုပ်လိုက်ပါတယ်... ဓါတ်ပုံရိုက်အပြီး ကားပေါ် တက်ခါနီးမှာ ခုနက သစ်ခွပန်းခက်လေးကို ဆိုင်က ပန်းအိုးတစ်ခုမှာ ပြန်ထိုးထားခဲ့တာပါ... သူမ ကားပေါ်ရောက်တော့ ကျွန်တော်မေးတယ်...

"သစ်ခွပန်းက ပေးတာမဟုတ်ဘူးလား? "

"ဟုတ်တယ်"

"ပန်းက အတုလား?"

"မဟုတ်ပါဘူး အစစ်ပါ"

"ဒါဆို ဘာလို့ ပူကျူးက ထားခဲ့တာလဲ?" ဆိုတော့

"ဟင်... ကိုကို ပေးတာမှမဟုတ်တာ... မလိုချင်ပါဘူး..." တဲ့ဗျာ...

သူမ စိတ်ထဲမှာ ရှိတဲ့အတိုင်း ပြုမူ ပြောဆိုတတ်တာ၊ ဟန်မဆောင်တတ်တာ သိထားတဲ့ ကျွန်တော့အဖို့ ဒီစကားလေး ကြားလိုက်ရချိန်မှာ ကြည်နူးမိသလို သူမအပေါ် လေးလည်း လေးစားမိတယ်... ပိုလည်း မြတ်နိုးမိပါတယ်... တကယ်ဆို အဲဒီပန်းလေးကို သူ ယူလာလည်း ကျွန်တော် စိတ်ဆိုးမှာ မဟုတ်ပါဘူး... သူမ မဟုတ်တဲ့ တခြား မိန်းကလေးတွေဆိုလည်း ယူမိကြမယ်ထင်ပါတယ်... ပူကျူးလေးကတော့ အဲလို သူများနဲ့ မတူဘဲ ထူးခြားတဲ့ ချစ်စရာ စိတ်ကလေး ရှိတာ သတိထားမိလိုက်ရတယ်...

အရမ်းချစ်တယ်... ကလေးလေးရယ်... ❤️

ကြည်နူးခဲ့ရတဲ့ သင်္ကြန်အကြိုနေ့ (၁၃.၄.၁၈)

ပူကျူးလေးဆီက ဓါတ်ပုံလေးနှစ်ပုံနဲ့ စာလေးတွေ ရောက်လာလို့ ဖွင့်ကြည့်လိုက်တော့...

ကြည်နူးစရာလေးတွေ တွေ့မြင်လိုက်ရပါတယ်...

ကိုကို့အတွက်တဲ့ ...

အတာအိုးလေး ထိုးလို့...

တဆက်တည်း ဘုရားဖူးသွားတုန်းက ညောင်ပင်ကို မြင်တာနဲ့ "ကိုကို ညောင်ထောက်ရမှာလေ..." ဆိုပြီး ဒီနှစ်သင်္ကြန်မှာ တနင်္လာအတာစားတာအတွက် ယတြာလုပ်ဖို့ ကျွန်တော့အတွက် အမှတ်တရ ရှိနေတတ်တာလေးကိုပါ ပြန်သတိရမိပါတယ်...

အခုလည်း ကျွန်တော့အတွက် အဲလို သတိတရ သေသေချာချာလေး လုပ်ပေးတတ်တာလေး သိရတော့ ကြည်နူးမှုတွေနဲ့ အတူ ပိုကဲလို့ ချစ်ရပြန်ပါရော Baby လေးရယ်... 😘

I love you so much! 😍

လွမ်းရက်တွေရဲ့ အစ...

မတွေ့ရခင်က တွေ့ရတော့မယ်ဆိုတဲ့ အသိစိတ်နဲ့ ရင်ခုန် ပျော်ရွှင်ခဲ့ရသလောက် ပြန်လာကာနီးကတည်းက ခွဲရမယ်ဆိုတဲ့ စိတ်နဲ့ နေလို့မကောင်း...

ကျွန်တော် ပြန်ကာနီး ကလေးလေး ကားနားလာ နှုတ်ဆက်တော့ သူကလေး မျက်နှာလေးက ညှိုးနွမ်းလို့... စိတ်မကောင်းဖြစ်နေတဲ့ အရိပ်အယောင်တွေက သူမ မျက်ဝန်းမှာ အထင်းသားပေါ့...

အိမ်ပြန်တဲ့ လမ်းတလျှောက် ကလေးလေးရဲ့ ချစ်စရာ အမူအရာလေးတွေ၊ အသံလေးတွေ၊ ဆိုးနွဲ့တတ်တာ၊ ချွဲတတ်တာလေးတွေက တောက်လျှောက်ကြီးစိုးနေခဲ့တာလေ... လမ်းတလျှောက် ပွင့်ဝေနေတဲ့ ပိတောက်ပန်းတွေကို ကြည့်ရင်း ပူကျူးလေးရဲ့ ဆံနွယ်ထက်မှာ ကိုယ်တိုင် ပန်ပေးချင်စိတ်တွေ ဖြစ်ပေါ်နေခဲ့တာ...

ဒီလိုနဲ့ပဲ... အိမ်ကို ပြန်ရောက်လာခဲ့တယ်... လူက သာ ရန်ကုန်ရောက်နေပေမယ့် ကိုကို့ စိတ်တွေက ပူကျူးလေးနဲ့ အတူ မော်လမြိုင်မှာ ကျန်ခဲ့ပါတယ် ပူကျူးလေးရေ...

ပူကျူးလေးကို ကိုကို အရမ်းလွမ်းနေတယ်... 😔

ကျွန်တော် ခံယူထားတဲ့ ချစ်ခြင်း

ချစ်ခြင်း
--------

ချစ်မြတ်နိုးသွားပြီးတဲ့နောက်...
လှခြင်း၊ မလှခြင်း
ဖြူခြင်း၊ ညိုခြင်း
ရုပ်အဆင်းဟာ နေရာမရှိ
ကွယ်ပျောက်၏...

သူမ၏ ဖြစ်တည်ခြင်းကိုသာလျှင်
ကျွန်တော် ချစ်သည်...

(12.4.18) 1:00 am

Today is The Day!

၉.၄.၁၈

ဒီကနေ့ကတော့ နှစ်ယောက်လုံးအတွက် ဘဝမှာ အထူးတလည် အမှတ်ရနေစေမယ့် နေ့တစ်နေ့ပါ... ပူကျူးလေး အခု ဒီစာကို ဖတ်နေတဲ့ ဒီနေ့ ဒီရက် ဒီအချိန် ဒီနေရာမှာ ကို့ ဘဝအတွက် အရေးအကြီးဆုံး စကားလေး၊ ကို့ရဲ့ နှလုံးသားရဲ့ အနက်ရှိုင်းဆုံးနေရာက လာတဲ့ စကားလေး၊ ကိုနဲ့ အမျိုးမတော်စပ်တဲ့ ဒီကမ္ဘာပေါ်က မိန်းကလေးတွေထဲမှာ ဒီတစ်ယောက်တည်းကိုပဲ ကို့ဘဝတစ်လျှောက်လုံး ဆက်ပြောနေချင်တဲ့ စကားလေးကို ပြောမယ်...

“မ မြတ်ပွင့်ယမုံ ဆိုတဲ့ ကောင်မလေးကို ဟောဒီက ကို ကျော်စွာသက်ဆိုတဲ့ လူကြီးကလေ... ………”

(update - မြတ်မြတ်နိုးနိုးနဲ့ တစ်သက်စာအတွက် အရမ်း ချစ်တယ်...) အဲစကားလေးကို ပူကျူးလေးရဲ့ နားနားလေး ကပ်လို့ ခပ်တိုးတိုးလေး ပြောခဲ့တယ်...

ပူကျူးလေးကလည်း အဲလို တိုးတိုးလေးပဲ ပြန်ဖြေခဲ့တယ်...

"ပူကျူးလေးလည်း ကို့ကို အရမ်းချစ်တယ်..." တဲ့... 😘😍❤️

သူမနဲ့ အတူ ပထမဆုံး တူတူရိုက်ခဲ့တဲ့ ဓါတ်ပုံ

ရင်ခုန်ခဲ့ရသော အမှတ်တရညနေခင်းလေး

၈.၄.၁၈

ပူကျူးလေးနဲ့ တွေ့ရတော့မယ်ဆိုတဲ့ အသိစိတ်၊ ညနေပိုင်းက သောက်ထားတဲ့ လက်ဖက်ရည်တို့ ပေါင်းစပ်ပြီး ညက ကောင်းကောင်းမအိပ်စက်နိုင်ခဲ့... မနက်ကျတော့လည်း ခရီးသွားဖို့ ကျွန်တော် တက်ကြွလို့နေသည်ကို မေကြီးနဲ့ အန်တီတို့ သတိထားမိခဲ့တဲ့အထိ သိသာလွန်းနေခဲ့တာပေါ့... ဒီလိုနဲ့ ခရီးစတင်ထွက်ခဲ့တာက မနက် ၈ နာရီစွန်းစွန်း... ရန်ကုန်အထွက်မှာတင် Traffic က ဆိုးဆိုးဝါးဝါး ပိတ်လို့နေခဲ့တာ... စိတ်ကလောနေလို့လားမသိ... စောင့်စားရတဲ့ အချိန်တွေ ပိုကြာလွန်းနေသလိုလို...

သထုံကို ကျွန်တော်တို့ ရောက်တော့ ပူကျူးလေးဆီက ဖုန်းလာသည်...

"ကို… ဘယ်ရောက်နေပြီလဲ? ပူကျူးလေး နေမကောင်းဘူး..." တဲ့..

သထုံရောက်နေကြောင်း နေ့လည်စာစားပြီးထွက်လာမယ့် အကြောင်းပြောပြီး နေမကောင်းတာ ဘာကြောင့်လဲ မေးတော့

"ဗိုက်မကောင်းဖြစ်လို့... ခန အိပ်လိုက်ဦးမယ်..."တဲ့...

သူငယ်ချင်းနဲ့ စကားလက်ဆုံကျတာရော၊ ထမင်းစားဖို့ နောက်ကျတာရောကြောင့် သထုံက ထွက်လာဖြစ်တာပါ နောက်ကျသွားခဲ့တယ်... ၂နာရီခွဲလောက်မှ သထုံက ထွက်လာဖြစ်ခဲ့တာ... ပူကျူးလေးဆီက ဖုန်းလာတော့ အခုမှ ထွက်တာဆိုတော့ သူကလေး စိတ်ဆိုးသွားတယ်...

“ဒီက မျှော်နေတာသိရက်နဲ့... ဒီအတိုင်းဆို ၄ နာရီ ၁၅ လောက်မှ ရောက်မှာပေါ့...” တဲ့…

ဒါပေမဲ့ တကယ်တမ်းကျ ကျွန်တော့် စိတ်ကြောင့်ပဲလား... နတ်ဒေဝါတွေ မစ သလားမသိ... တစ်နာရီထဲနဲ့ မော်လမြိုင်ဆိုတဲ့ စာသားကို တံတားကြီးမှာ မြင်လိုက်ရတယ်... ပူကျူးကို ဖုန်းဆက်တော့ သူကလေး မယုံနိုင်ဘူးလေ... ခနစောင့်ဦးဆိုပြီး ပြာယာတွေ ခတ်လို့ပေါ့...

အဲလိုနဲ့... ကမ်းနားလမ်းမှာ သူမအလာကို ကျွန်တော် ကားပေါ်ကနေ မျှော်နေခဲ့ရတယ်... အခြေအနေကြောင့် ပူကျူးလေးရဲ့ ဖေကြီးကိုယ်တိုင်မောင်းတဲ့ ခဲရောင် Harrier လေး ရောက်လာချိန်မှာတော့ ရင်ခုန်သံတွေ မြန်လာပါလေရော... Hotel ကိုရောက်လို့ ကားရပ်အပြီး သူမ ကားပေါ်က ဆင်းလာချိန်၊ သူမနဲ့ စပြီး စကားပြောတဲ့အချိန်၊ အစစ အရာရာ အားလုံးဟာ စိတ်ကို အတော် လှုပ်ရှားစေတဲ့ ခံစားချက်လေးတွေပါပဲ... (အသေးစိတ်ကို ရေးချဖို့ ကြိုးစားကြည့်ပေမယ့် စကားလုံးတွေက တကယ်ဖြစ်နေခဲ့တဲ့ အဲဒီအချိန်က ခံစားချက်တွေကို ကိုယ်စားပြုဖို့ရာ မစွမ်းသာတာကြောင့် အသေးစိတ်ကို ရေးမပြတော့ပါဘူး...) သူကလေးလည်း ကျွန်တော့်လိုပဲ ဖြစ်နေပါလိမ့်မယ်... ပိုပြီး မှတ်မှတ်ရရ ဖြစ်နေစေတာက အရမ်းစိတ်လှုပ်ရှားပြီး ရှက်နေတဲ့ သူမရဲ့ မျက်နှာလေးပါ... ကျွန်တော့်ကို စကားတောင် ကောင်းကောင်း ပြန်မပြောနိုင်လောက်အောင် သူမ စိတ်တွေ လှုပ်ရှားနေခဲ့တာပါ...

လူကြီးတွေ ပါလာတာကြောင့် တတ်နိုင်သမျှ ခံစားချက်ကို ဖုံးကွယ်ရင်း သူမ လာကြိုတဲ့ အစီအစဉ်လေး ရင်ခုန်စွာနဲ့ ပြီးဆုံးခဲ့ပါတယ်...

ညနေ ၅ ခွဲ ဘုရားသွားတော့ ပူကျူးလေးနဲ့ ပိုနီးကပ်စွာ စကားပြောခွင့်ရခဲ့ပါတယ်... အမှတ်တရ ဓါတ်ပုံလေး ရိုက်၊ စကားလေးတွေပြော၊ ညနေစာစားနဲ့ ကုန်ဆုံးသွားတဲ့ အချိန်တွေက ကျွန်တော့်အဖို့ မြန်လွန်းနေသလား အောက်မေ့နေမိပါတော့တယ်... ညနေစာကို Lotteria မှာစားရင်း ဖြစ်သွားတဲ့ အမှတ်တရလေးကတော့ ကျွန်တော်တို့ စားနေတုန်း ဆိုင်က စဖွင့်လိုက်တဲ့ သီချင်းက Ed Sheeran ရဲ့ Perfect သီချင်းလေး ဖြစ်နေတာပါ... သီချင်းလေး စလာချိန်မှာ တစ်ယောက်မျက်နှာ တစ်ယောက်အဓိပ္ပါယ်ပါပါ ကြည့်ရင်း ပြုံးမိကြပါသေးတယ်... တိုက်ဆိုင်လွန်းတဲ့ အတွက် အမှတ်တရလေးတွေထဲက အမှတ်တရလေး တစ်ခု ဖြစ်ခဲ့တာပေါ့ဗျာ... 😇

ကျေနပ်မိသော အလွဲကောင်းလေး

ဒီနေ့ကတော့ အလွဲကောင်းလေး ခေါ်ရမယ်... ပူကျူးလေး အဲနေ့က အလုပ်လုပ်နေရင်း ကျွန်တော်က မေးနေကျ အတိုင်း မေးတယ်... 
“ပူကျူးလေး...” 

“ရှင့်...” 

“ကို့ ကို ချစ်လား...”

“မပြောဘူး...”

… 

နောက်တော့ သူမ ခနလေး တိတ်ဆိတ်သွားတယ်... ခနနေတော့ ဆက်ပြောတယ်...

“မီးရဲ့ အချစ်ဆုံး ပူကျူးကိုကို” တဲ့.. 

ကျွန်တော့်မှာ ကြည်နူးသွားတာပဲ... အဲ … မကြာဘူး... စကားသံ ထပ်ထွက်လာတယ်...

“အမ်…ဘာလား!!” တဲ့… 

ဘာဖြစ်လို့လဲ ပေါ့... သူကလေးက ရှင်းပြတယ်... သူမ တွေးလိုက်တာက... ဒီလိုတဲ့...

“စိတ်ထဲကနေပဲ ပြောမယ်...” (အဲဒါကို ကျွန်တော်ကြားအောင် ပြောမယ်)

“မီးရဲ့ချစ်ဆုံး ပူကျူးကိုကို...” (ဒီစကားလေးကိုကျ စိတ်ထဲကနေပဲ သူပြောလိုက်မယ်)... အဲလိုတဲ့...
ဒါပေမဲ့ တကယ်တမ်း ဖြစ်သွားတာက ပြောင်းပြန်ဖြစ်နေတာတဲ့... 😂😂😂

နှစ်ယောက်သား ရယ်လိုက်ရတာ... ဘာပဲဖြစ်ဖြစ် ကျွန်တော်ကတော့ ပီတိတွေဖြစ်ပြီး အကျေနပ်ကြီး ကျေနပ်မိခဲ့တာပေါ့... သူမရဲ့ စိတ်ထဲက စကားလေးကို ကြားလိုက်ရလို့လေ... ❤️❤️❤️😇😇😇

အဲဒီနေ့ကလေးက မှတ်မှတ်ရရ 2.4.18 ရက်နေ့ မနက်ပိုင်းပါ…

အခန်းအပြင်ဖက် ထွက်နေတော့မယ်...

ဒါကကျ တစ်မျိုး... အဲဒီရက်တွေက ဆရာမ ပူကျူးလေး စာမေးပွဲခန်းစောင့်ရတဲ့ ရက်တွေပေါ့... မတ်တပ် ရပ်ရတာ၊ လမ်းလျှောက်ရတာ များလို့ ပင်ပန်းရတယ်... ကျွန်တော်က သူကလေးကို ပြောနေတာ...

“ပူကျူးလေးရယ်... ပူကျူးလေးရဲ့ မျက်နှာမှာလေ... စွဲဆောင်မှု အရှိဆုံးက ပူကျူးလေးရဲ့ မျက်လုံးလေးပဲ... ကို့ ပူကျူးလေးက မျက်လုံးလေး အရမ်းလှတယ်...  နောက်အပေါ် နှုတ်ခမ်းထော်ထော်လေးရယ်...” လို့… အဲဒါကို မျက်လုံးပိတ် နားထောင်ရင်းကနေ မျက်လုံးလေး ဝင့်ကြည့်ပြီး ပြန်ပြောလိုက်ပုံက

“တော်ပြီ... အခန်းအပြင်ဖက် ထွက်နေတော့မယ်” တဲ့… 

ထုံးစံ အတိုင်း ကျွန်တော့မှာ ဘာလဲပေါ့... နောက်တော့မှ ရယ်ပြီး ပြောတယ်... သူ မှေးကနဲဖြစ်ပြီး စာမေးပွဲခန်း စောင့်နေတာတဲ့... ညောင်းလာလို့ အဲလို ပြောမိသွားတာတဲ့လေ...

လုပ်လိုက်ပြန်ပေါ့ ပူကျူးရယ်လို့ သာ ကျွန်တော့မှာ ရေရွတ်နိုင်တော့တယ်လေ... 😓😅😆

အဲဒီနားမှာ အမှိုက်ပုံး ရှိလို့...

အဲဒီနေ့က ပူကျူးလေးနဲ့ ကျွန်တော်တို့ အတွက် အမှတ်တရ လေးပါပဲ... ပူကျူးလေး အဲဒီနေ့က အလုပ်တွေ များပြီး ပင်ပန်းနေတာပါ... ကျောင်းမှာ VIP (ဝန်ကြီး) လာတာကြောင့် ဈေးဝယ်ထွက်၊ ရေသန့်ဗူးတွေ၊ အမှိုက်ပုံးတွေ၊ စသဖြင့် လိုအပ်တာတွေ ဝယ်ရ၊ ဧည့်ခံ ကျွေးမွေးရေးတွေ လုပ်ရ၊ ပြေးရလွှားရနဲ့ပေါ့... 

ဒါပေမဲ့ ညရောက်တော့ အိပ်ချင်ပူကျူးလေး က အိပ်ငိုက်နေရင်း ကျွန်တော်နဲ့ စကားတွေ အများကြီး ပြောပေးရှာပါတယ်... 😘 အဲလိုပြောရင်း ပူကျူးလေးရဲ့ ဖေကြီးနဲ့ မေကြီးအကြောင်း ပြောမိကြတယ်... ဖေကြီးက ထမင်းစားခေါ်ရခက်တဲ့ အကြောင်း၊ မေကြီးက တော်တော် ခေါ်ယူရကြောင်းပေါ့… ပူကျူးနဲ့ကိုနဲ့ တူတူ နေကြတဲ့အခါ ထမင်းစားခေါ်ရင် မခက်ဖို့ ပြောရင်း ပူကျူးလေးက-

“ဒီမယ်... အဲလို ပြောနေတယ်ဆိုတာ ချစ်လွန်းလို့ ပြောနေတယ်မှတ်ပါ... စဉ်းစားကြည့်လေ... တကယ်ဆို ထမင်းသူ့ဘာသူ မစားတာ အနေသာကြီး... ဒီလို လိုက်ပြောနေတာ ချစ်လွန်းလို့ ပြောနေတယ် မှတ်လိုက်ပါ... နားလည်လား... နော်... မချစ်ရင် ပြောကို မနေဘူး... အနေသာကြီး... ချစ်လွန်းလို့ ပြောနေတာ... သိရဲ့လား” လို့ ပူကျူးလေးက ဆရာမ လေသံလေးနဲ့ ကျွန်တော့်ကို ပြောနေပါတယ်... စကားလေး ပြောပြီးတော့ ပင်ပန်းလွန်းနေတာကြောင့် မျက်လုံးလေး ပိတ်ပြီး ကျွန်တော် ပြန်ပြောမယ့်စကားကို နားစွင့်လို့ပေါ့... 

ဒီတော့ ကျွန်တော်က “ကြည့်ပါဦး... ကို့ကို ပြောနေလိုက်တာ... ဆရာမ က တပည့်လေးကို ပြောနေတဲ့ အတိုင်းပဲ... နားလည်လားတွေရော... သိရဲ့လားတွေရောနဲ့... ဒါပေမယ့် ကို ကျေနပ်ပါတယ်... ကို ကြားချင်တဲ့ စကားလေးကို ၃ ကြိမ်တောင် ကြားရတယ်...” လို့…

အဲဒီ စကားလေး အဆုံးမှာ ပူကျူးလေးက မျက်လုံးလေးကို ဖွင့်... မျက်စောင်းလေး ထိုးပြီး မူနွဲ့နွဲ့ ပြောလိုက်တာက

“ ဟွန်း... အဲဒီနားမှာ အမှိုက်ပုံး ရှိလို့ “ တဲ့ ခင်ဗျာ... 

ကျွန်တော့မှာ ဟင်! ဆိုပြီး ဘာပြောတာပါလိမ့်လို့ မနည်း စဉ်းစားရတော့တာ... ပူကျူးလေးကတော့ သူ့ဘာသူ ပြောပြီး သဘောတွေကျလို့ ရယ်နေရော... နောက်တော့မှ ပြောတယ်... သူ မှေးကနဲ အိပ်ငိုက်သွားပြီး မနက်က VIP ဧည့်ခံ တုန်းက အမှိုက်တွေကို သယ်သွားတာတဲ့... အမှိုက်ပုံးနားကိုပေါ့... အဲဒီအချိန်မှာ နောက် အစ်မတစ်ယောက်က “ယမုံ... အဲနား ဘာသွားလုပ်တာလဲ..” လို့ မေးလို့ ဖြေမယ့် စကားကို ကျွန်တော့်ကို ပြောမိသွားတာတဲ့ဗျာ... 

ကဲ… ကျွန်တော့မှာ Ro ထားသမျှ သဲထဲရေသွန်ကို ဖြစ်ကရော... 😂

"ကို"လို့ စခေါ်တဲ့နေ့

မီးလေး ကိုလို့ စခေါ်တဲ့နေ့

အရင်က အကို လို့ ခေါ်ရာကနေ ကို လို့ စခေါ်ဖြစ်တဲ့ နေ့ကလေးက ၂၆.၂.၁၈ ရက်နေ့ဖြစ်ပါတယ်... တကယ်တမ်းကတော့ မီးလေးက စချင်လို့ ခေါ်လိုက်တာပါ... ဒါပေမဲ့ အဲလို စရင်းနောက်ရင်းနဲ့ပဲ ကို ဆိုတဲ့ ကျွန်တော့ ရင်ကို နွေးထွေးသွားစေတဲ့ သူမရဲ့ ချစ်စရာ အခေါ်အဝေါ်လေး တည်မြဲခဲ့ပါတယ်... 

ခံစားချက်တွေ ဝေမျှခဲ့ကြ...

18.2.18 ရက်... 

အဲဒီနေ့ကလေးကတော့ မီးလေးနဲ့ ကျွန်တော်တို့ရဲ့ ခံစားချက်တွေ၊ အခြေအနေတွေကို အပွင့်လင်းဆုံး ပြောဖြစ်ခဲ့တဲ့ နေ့တစ်နေ့ဖြစ်ခဲ့ပါတယ်... မီးလေးရဲ့ မိသားစု အခြေအနေ၊ မီးလေးရဲ့ စိတ်အခြေအနေတွေ၊ ကျွန်တော့်ရဲ့ စိတ်ခံစားချက်၊ အနာဂတ် ရည်ရွယ်ထားတဲ့ ဘဝ လက်တွဲဖော်အကြောင်း စုံလင်လို့ပေါ့… 

စခင်မင်ခဲ့တဲ့ အချိန်ကာလနဲ့ စာရင် ကျွန်တော်နဲ့ မီးလေးရဲ့ ရင်းနီးမှု၊ တစ်ယောက်နဲ့ တစ်ယောက် ယုံကြည်မှု၊ နားလည်မှု စတာတွေက အံ့သြစရာကောင်းလောက်အောင် အချိန်ကာလနဲ့ မလိုက်ဖက်အောင်ပါပဲ... ဥပမာ ပြောရရင် တြိဂံပုံစံ ရှိတဲ့ အရာလေးကို အဝိုင်းပုံစံခွက်ထဲ နှစ်ပေါင်းများစွာ ထည့်နေလို့ အံမဝင်ပေမယ့် သူနဲ့ ပုံစံတူ တြိဂံခွက်လေးနဲ့ တွေ့တဲ့အခါ ချက်ချင်း အံဝင်ခွင်ကျ ဖြစ်သွားသလိုမျိုးလေး... 

အဲဒီနောက်ပိုင်း မီးလေးနဲ့ ကျွန်တော့်ရဲ့ သံယောဇဉ်တွေဟာ တစ်စထက် တစ်စ ပိုမိုတိုးလို့သာ နေပါတော့တယ်... 

A moment... 🕰

smule မှာ သီချင်းလေးဆိုလိုက်၊ messenger မှာစကားလေး တစ်ခွန်းနှစ်ခွန်းစ ပြောလိုက်နဲ့ပဲ ရှိပေမယ့် ခပ်ချေချေ ကောင်မလေးဖြစ်တဲ့ သူမကြောင့် ကျွန်တော်တို့ရဲ့ ရင်းနီးမှုက မကြီးမားခဲ့ပါဘူး... 

20.10.17 မှာတော့ ထူးထူးခြားခြား သူမရဲ့ Mee Mee Lay account ကနေ Friend request ကို ကျွန်တော် ရခဲ့ပါတယ်... သူမ အဲဒီ Account သုံးမှန်း ကျွန်တော်သိပေမယ့် သူမ ခင်မင်တဲ့သူ၊ အမျိုးတွေ စသဖြင့် သီးသန့် သုံးချင်ပုံ ရတဲ့အတွက် ကျွန်တော် အရင်က Add မလုပ်ဖြစ်တာပါ... သူမဖက်က အဲလိုလေး စပို့တော့ အဲနေ့က စိတ်ထဲမှာ ကျိတ်ပျော်ခဲ့ရတာပေါ့ဗျာ... 😇

အဲဒီကနေ ကံကြမ္မာရဲ့ မျက်နှာသာပေးမှုကြောင့်လား ဘာလားမသိတဲ့ a moment လေးတစ်ခုကြောင့် သူမနဲ့ ကျွန်တော် ရင်းနီးခဲ့ပါတယ်... အဲဒီ အချိန်လေးကတော့ 3.2.18 and 4.2.18 ရက်နေ့တွေဖြစ်ပါတယ်... ဟာသလေးတစ်ပုဒ်မှာ သူမကို ထည့်ရေးရင်း စကားတွေ အများကြီး ပြောဖြစ်ရာက သူမရဲ့ ကျန်းမာရေး အကြောင်းတွေပါ ယုံယုံကြည်ကြည် ပြောပြဆွေးနွေးရင်းက ပိုမို ခင်မင်ခဲ့တာပါ...

ရင်းနှီးပြီးတဲ့နောက် ကျွန်တော်က ယမုံလို့ ခေါ်ချင်ပေမယ့် အဲလိုခေါ်တာမကြိုက်တဲ့သူမက မြတ်ပွင့်လို့ ခေါ်ခိုင်းပါတယ်... သူခေါ်ခိုင်းတဲ့ နာမည်ကို ကျွန်တော်က မနှစ်သက်ပြန်တာကြောင့် “မီးလေး” ဆိုတဲ့ အခေါ်အဝေါ်လေးကို စတင်ဖြစ်ခဲ့တာပေါ့...

မင်းသမီးလေး သူမနဲ့ ‌ေ‌မာင်ရွှေရိုး ကျွန်တော်...

သွားဆိုဖြစ်ခဲ့သမျှ သီချင်းလေးတွေထဲမှာ အမှတ်တရ ဖြစ်စေတဲ့ သီချင်းကတော့ "ရွှေရိုးမှာလည်း အသည်းနဲ့ပါ" ဆိုတဲ့ သီချင်းလေးပါ... မှတ်မှတ်ရရ အဲဒီသီချင်းလေးကို facebook မှာ Tag တွဲတင်ဖြစ်ခဲ့ပြီး အတော်လူကြိုက်များခဲ့ပါတယ်... 

တကယ်လည်း ဒီသီချင်းလေးထဲက အတိုင်း မင်းသမီးလေးလို သူကလေးကို ကျွန်တော် မောင်ရွှေရိုးတစ်ယောက် နှစ်လ တာရှည် ပိုးခဲ့ရတာပေါ့... 😅

အခုနောက်ပိုင်း ကျွန်တော့် အသိမိတ်ဆွေ ဖြစ်စေ၊ ဆွေမျိုးတွေကို ဖြစ်စေ သူမအကြောင်း မိတ်ဆက်ပေးရင် "သြော်... မောင်ရွှေရိုးဆိုတဲ့ ကောင်မလေးလား... ချစ်စရာလေးနော်..." ဆိုပြီး ခနခန အပြောခံရတာလည်း အမှတ်တရ တစ်ခုပါပဲ...

First Comment from Mee Lay

သူမဆီက comment ပြန်ရရှိခဲ့တဲ့ သီချင်းလေးကတော့ ဝိုင်ဝိုင်းနဲ့ မဒီ သီဆိုထားတဲ့ "ဆန္ဒတစ်စုံ" ဆိုတဲ့ သီချင်းလေးကို သွားဆိုတဲ့ အချိန်မှာ ဖြစ်ပါတယ်... 🎼💬

ပထမဆုံး သူမဆီက အသိအမှတ်ပြုခြင်း ခံရတဲ့ နေ့လေးတစ်နေ့ပေါ့ဗျာ... 

ပထမဆုံး တွဲဆိုခဲ့တဲ့ သီချင်း...

ပထမဆုံး တွဲဆိုဖြစ်တဲ့ သီချင်း လေးက ငယ်ကျွမ်းဆွေ ဆိုတဲ့သီချင်းဖြစ်ပြီး သူမကတော့ သတိတောင် မထားမိခဲ့ပါဘူး... 

ဘာပဲ ဖြစ်ဖြစ် ဒီသီချင်းလေးက ကျွန်တော်တို့ နှစ်ယောက်ရဲ့ ပထမဆုံး စုံတွဲသီချင်းလေးအဖြစ် ဖြစ်တည်ခဲ့ပါတယ်... ❤️

The Journey Begins...

23.2.2017 ရက်... မထူးခြားလှတဲ့ ရက်လေးတစ်ရက်ပါပဲ... ဒါပေမဲ့ အဲဒီရက်ကလေးက လူ ၂ ယောက်ရဲ့ နှလုံးသား တစ်စုံကို နီးကပ်စေဖို့ အစပြုခဲ့တာကိုတော့ အဲဒီတုန်းက ကျွန်တော်မသိခဲ့တာ အမှန်ပါ...

အဲဒီနေ့ အဲဒီရက်လေးမှာ smule မှာ သီချင်းဆိုကောင်းတဲ့၊ ချစ်စရာ ကောင်းတဲ့ ကောင်မလေးတစ်ယောက်ကို ကျွန်တော်စတွေ့ခဲ့တာပေါ့... နောက်တော့ သူမနဲ့ ခင်မင်ချင်လို့ facebook မှာ friend request ပို့ခဲ့ပြီး သူကလေးက လက်ခံခဲ့လို့ facebook friend တွေ စဖြစ်ခဲ့ကြတယ်...

ဒါပေမဲ့ ကိုယ်နဲ့ မခင်တဲ့ မိန်းကလေးတွေကို စကားစပြောဖို့အရေး နည်းနည်း ဝန်လေးတတ်တဲ့ ကျွန်တော့်အကျင့်ကြောင့် သူမနဲ့ စကားတော့ မပြောဖြစ်ခဲ့ပါဘူး... 😅

ဒီလိုနဲ့ တစ်ရက်မှာတော့ အစ်မတစ်ယောက်နဲ့ စကားစပ်မိရင်း သူမ smule မှာ သီချင်းဆိုတဲ့ နားကြပ်ကို စိတ်ဝင်စားတဲ့အကြောင်း သိချင်ကြောင်းပြောတော့ "ရေငတ်တုန်း ရေတွင်းထဲကျ" ဆိုသလို လိုလိုလားလားပဲ "ကျွနေ်တာ် မေးပေးမယ်" လို့ ဆိုပြီး ပထမဆုံး သူမနဲ့ facebook messenger ကနေ စကားစတင်ပြောဖြစ်ခဲ့ပါတယ်... 💬

အဲဒီနေ့ကတော့ 12.3.17 ရက်နေ့ပါ... ထာဝရ ဖြစ်စေမယ့် ကျွန်တော်တို့ နှစ်ယောက်ရဲ့ အစ ပြုခဲ့တဲ့ အမှတ်တရ ရက်စွဲလေးတွေပေါ့ဗျာ... 😇